غداری کیس، وزارت داخلہ دا مشرف دا شناختی کارݙ بلاک کرݨ کیتے نادرا کوں خط

اسلام آباد(سرائیکی نیوز)وزارت داخلہ نے سابق صدر جنرل پرویز مشرف دا شناختی کارڈ بلاک کرݨ کیتے نادرا کوں خط لکھ ݙیتا سابق صدر پرویز مشرف دیخلاف سنگین غداری کیس دی سماعت خصوصی عدالت کریندی پئی ھِ جئیں نے انہاں دی انٹرپول دے ذریعے گرفتاری دا حکم وی ݙے رکھیا ھِ خصوصی عدالت دی ہدایت تے نادرا نے سابق صدر جنرل پرویز مشرف دا شناختی کارڈ بلاک کرݨ کیتے نادرا کوں باضابطہ خط لکھ ݙیتا ھِ البتہ نادرا احکام دا آکھن ھِ کہ انہاں کویں ایں حوالے نال وزارت داخلہ دی طرفوں کوئی خط موصول نی تھئیا۔ ذرائع نے ݙسایا کہ وزارت داخلہ دا خط موصول تھیون دے بعد جونہی نادرا سابق صدر پرویز مشرف دا شناختی کارڈ بلاک کریسی ایندے نال انہاں دا پاسپورٹ وی از خود بلاک تھئی ویسی جیندے بعد او کوئی سفر وی نی کر سکدے، ایں صورت ءچ انہاں دا کہیں وی ملک کیتے سفر کرݨ غیر قانونی تصور کیتا ویسی۔ ذرائ دے مطابق نادرا دی طرفوں سابق صدر دا شناختی کارڈ بلاک کیتے ونجن دی صورت ءچ پاکستان ءچ انہاں دے بینک اکاونٹ وہ منمد تھئی ویسی تے او کوئی وی پراپرٹی وی نا خرید سکسن۔