اسلام آباد(سرائیکی نیوز۔میثم نقوی) چیئرمین جوائنٹ چیف آف اسٹاف کمیٹی جنرل زبیر محمود حیات دا آکھن ھا کہ پاکستان دیخلاف جعلی خبراں منظم انداز نال کھنڈایا ویندیاں پیاں ھن ، پیر کوں اسلام آباد ءچ پاکستان سمٹ نال خطاب دے دوران چیئرمین جوائنٹ چیفس آف اسٹاف کمیٹی جنرل زبیر محمدود حیات دا آکھن ھا کہ پاکستان سمٹ درست وقت ءچ درست اقدام ھِ اج دے دور ءچ اطلاعات ، سفارتکاری ، فوج تے معیشیت ٤ بنیادی ستون بݨ چکے ھن اطلاعات اج دی طاقت ضرور ھِ لیکن ایندا غلط استعمال وی تھیندا پئے۔
انہاں آکھیا کہ پاکستان دے بارے ءچ جاݨ بھ تے غلط تاثر قائم کیتا گئیا تے پاکستان دے حوالے نال جعلی خبراں چلائی ویندیاں پیاں ھن پاکستان دیخلاف منظم انداز ءچ جعلی خبراں کھنڈایا ویندیاں پیاں ھن دنیا دا کوئی مجرم کوئی جرم کرے عالمی ہیڈ لائنز نی بنڑدی لیکن پاکستانی مجرم کجھ کرے تاں شہ سرخیاں کیوں بنڑدیاں ھن۔
چیئڑمین جوائنٹ چیف آف اسٹاف کمیٹی دا آکھن ھا کہ مضبوط تے مستحکم مستقبل پاکستان دا منتظر ھِ سی پیک خطے ءچ گیم چینجر ثابت تھیوݨ ویندا پئے ، پاکستان 2020 ءچ دنیا دی 18 ویں معیشت بنڑون ویندا پیا ھِ پاکستان دا چہرہ ڈاکٹر عبدالستار ایدھی ، ڈاکٹر رتھ فاو ، ملالہ یوسف زعی تے ارفع کریم جئے لوگ ھن ۔ اگو ں آئے تے دنیا کوں ڈسایا کہ پاکستان دی مثبت فہرست منفی فہرست توں کہیں زیادہ طویل ھِ
جنرل زبیر محمود حیات نے آکھیا کہ پاکستان کجھ اعلی طبقات کیتے نیں بنڑاں ، پاکستان اپنڑیں قیام توں ہی دشمناں دی آکھیاں ءچ کھٹکدا پئے تے پاکستان دا ہمسائیہ ہر ویلے پاکستان کوں بدنام کرݨ ءچ لگا رھاندے۔ انہاں مزید آکھیا کہ سرد جنگ دے بعد پاکستان کوں سیاسی و ثقافتی عالمگیریت دا سامنڑاں ھِ پاکستان نے 83 ہزار شہدا تے ڈیڈھ سو ارب ڈالر دی قربانی ݙے تے القاعدہ کوں خطے توں کڈھ باہر کیتے دنیا دا کوئی ملک اسافی کامیابی دے قریب توں چھو تے وی نی لنگھ سکدا پاکستان کوں انتہا پسندی ، گورننگ تے سیکورٹی دے کجھ مسائل ھن لیکن کیا اے بھارت کوں کینی ، بھارت ءچ صرف گینگ ریپ کیسز کوں ھی ڈیکھ گھینو تاں سمجھ آ ویسی۔
