چین کوں پرزے ویچن والی ٣ امریکی کمپنیاں تے ٧ سال دی پابندی عائد

واشنگٹن (این این آئی) امریکی محکمہ تجارت نے امریکی کمپنیاں تے ٧ سال دی پابندی عائد کر ݙیتی جو امریکی قوانین دی خلاف ورزی کریندے ہووے ٹیلی کام کمپنی زیڈ ٹی ای کارپوریشن کوں پرزے وچیندی پئی ھائی، غیر ملکی خبر رساں ادارے دے مطابق ایں چینی کمپنی نے گزرن سال ٹیکساس دی امریکی فیڈرل عدالت ءچ اے جرم قبول کر گھیدا ھا اوں نے ایران دیخلاف امریکی پابندیاں دے خلاف ورزی کریندے ہووے ایران کوں امریکی سازوسامان تے ٹیکنالوجی فراہم کیتی ھائی جرم قبول کرݨ تے چینی کمپنی نے ٨٩٠ ملین ڈالر دا جرمانہ ادا کیتا ھا جبکہ ایں تے مزید 300 ملین ڈالر دا جرمانہ عائد کیتا ونجن سکدا ھِ ایں سلسلے ءچ طے تھیون والے سمجھوتے دے تحت زیڈ ٹی ای کارپوریشن نے اپنڑیں ٤ اعلی اہلکاراں کوں برطرف کرݨ تے دیگر ٣٥ دے خلاف تادیبی کارروائیاں کرݨ دا وعدہ کیتا ھا انہاں تادیبی کارروائی اچ انہاں ٣٥ اہلکاراں دے بونس دی رقم گھٹ کر ݙیتی ویسی تے انہاں کوں وارننگ دے نوٹس جاری کیتے ویسن۔