داعش متنازعہ علاقیاں ءچ دوبارہ منظم تھیندی پئی ھِ ، عراقی فوج دا انتباہ

بغداد (سرائیکی نیوز۔ این این آئی ) عراق دے صوبہ کردستان دی سرکری فوج پیشمرگہ نے خبردار کیتا ھِ کہ کردستان تے بغداد دے درمیان متنازعہ علاقیاں تے شدت پسند گروپ داعش دے ھک واری ول فعال تھیندا پئے، عرب ٹی وی دے مطابق امریکی وفد نال ملاقات ءچ پیشمرگہ فورس وزیر کریم سنجاری نے آکھئے کہ اربیل تے بغداد دے درمیان متنازع سمجھے ونجن والے علاقیاں ءچ داعش ھک واری ول خود کو منظم کر یندی رھی ھِ حالیہ ڈینھ ءچ داعش دے جنگجواں دی انہاں علاقیاں ءچ غیر معمولی نقل و حرکت ڈیکھی گئی ھِ واضح رھاوے کہ عراق دے صوبہ کردستان تے بغعداد دے درمیان بعض علاقیاں کوں متنازع خیال کیتاویندا ھِ متنازع علاقیاں ءچ او مقامات شامل ھیں جنہاں عراقی فوج نے ستمبر ٢٠١٧ء دے دوران کردستان دی علیحدگی دے اعلان دے بعد کارروائی کر تے اپنڑیں کنٹرول ءچ گھن گھیدا ھا جبکہ کردستان انہاںعلاقیاں تے اپنڑیں ملکیت دا دعوی کیتا ھِ کریم سنجاری دا اشارہ وی انہاں علاقیاں دی طرفوں ھا ،