سرائیکی صوبے دے قیام کیتے سیکنڑاں بندیاں دی اسلام آباد ءچ ریلی

اسلام آباد(سرائیکی نیوز۔مثیم نقوی) سرائیکی صوبے دے قیام کیتے سینکڑاں بندیاں نے اسلام آباد ءچ ریلی کڈھی جیندے اچ نوجواناں ، مصنفین ، سیاسی کارکناں ، خواتین تے صحافیاں نے شرکت کیتی۔ اسلام آباد اچ سرائیکی صوبہ دے قیام کیتے ریلی کڈھی گئی ، شرکاء نے بینرز تے پلے کارڈ چا رکھے ھن جیندے تے مطالبہ کیتا گئیا ھا کہ حکومت سرائیکی صوبے دے قیام توں متعلق ضروری اقدامات کرے ، جنوبی پنجاب نال تعلق رکھن والے مسلم لیگ ن دے ٨ اراکین قومی و صوبلی اسمبلی دی طرفوں استعفیاں دے چند ڈینھ بعد اے ریلی کڈھی گئی سیاسی قائدین دی طرفوں بنڑائے گئے نویں محاذ دا مقصد جنوبی پنجاب دے خطے کوں نویں صوبے دا قیام ھا، سرائیکی نیوز نمائندہ نال گالھ مہاڑ کریندے ہووے مظاہرین دا آکھن ھا کہ اساں ایتھاں اپنڑیں دیرینہ مطالبہ دھراوݨ کیتے جمع تھئے ھیں اساݙا مطالبہ منفرد ثقافت ، جغرافیہ تے تاریخی حقائق تے مبنی ھِ برطانوی راج توں قبل وی سرائیکی خطہ ہمیشہ الگ انتظامیہ یونٹس ھی رھیا ھِ انہاں مزید آکھیا کہ ریاست بہاول پور کوں ١٩٦٩ اچ ون یونٹ معاہدے دے تحت پنجاب دا حصہ بنڑاں ݙیتا گئیا ھا جیندا نتیجے اے نکلا کہ سرائکی خطہ تخت لاہور دا قیدی بݨ گئیا ۔ مظاہرین دے مطابق نوجوان نسل سرکاری ملازمتاں اچ کوٹے دی کمی دی وجہہ توں بے روزگاری دا سامنڑیں کریندے پئی ھِ سرائیکی وسیب کوں وسائل دی تقسیم اچ مکمل محروم رکھا گئیا ، مظاہری دا آکھن ھا کہ الگ صوبہ دا اپڑاں جائز آئینی تے قانونی حق منگݨ کیتے اکٹھے تھئے ھیں نویں صوبے دا قیام وفاق پاکستان تے جمہوریت کیتے انتہائی مفید صاحب تھیسی