سپریم کورٹ تے ہائی کورٹ دا دائرہ کار فاٹا تک ودھاون دا بل منظور

اسلام آباد(سرائیکی نیوز) سینیٹ نے سپریم کورٹ تے ہائی کورٹ دا دائرہ وفاق دے زیر انتظام قبائلی علاقہ جات تک ودھاون کیتے اتفاق رائے نال منظوری ڈے ݙیتی ، چیئرمین سینیٹ نے دستخط کر ݙیتے ۔ جمعہ کوں ایوان بالا دے اجلاس دے دوران وفاقی وزیر سیفران لیفٹیننٹ جنرل (ر) عبدالقادر بلوچ نے تحریک پیش کیتی کہ سپریم کورٹ آف پاکستان تے پشاور ہائی کورٹ دا دائرہ کار وفاق دے زیر انتظام قبائلی علاقہ جات تک توسیع ڈیون دا بل ایوان دی کمیٹی دی رپورٹ کردہ صورتحال تے فی الفور زیر غور گھن تے آیا ونجے ۔ ایوان بالا نے تحریک دی منظوری ݙے ݙیتی جیندے بعد انہاں اے بل ایوان اچ پیش کیتا چیئرمین سینیٹ نے بل دی شق وار منظوری حاصل کرݨ دے بعد حتمی منظوری کیتے بل ایوان اچ پیش کیتا ، ایوان بالا ن اتفاق رائے نال بل دی منظوری ݙے ݙیتی ، سینیٹر اعظم خان سواتے نے بل دی اتفاق رائے نال منظوری تے ایوان کوں مبارکبار ݙیتی ، سینیٹر مشاید اللہ خان نے آکھیا کہ اج قائد اعظم دے فاٹا دے حوالے ناہ وژن دی تکمیل تھئی ھِ انہاں آکھیا کہ پشتون تحفظ موومنٹ توں گالھ کی ونجنڑی چاھیدے ھِ اگر تحریک لبیک مذارات تھئی سکدے ھن تاں انہاں توں وی  تھئیسکدے ، جرم دی اجتماعی سزا دا تصور صرف اسرائیل اچ ھِ یا ول فاٹا چ ھا جیندا ھن خاتمہ تھئی ویسی ۔ سینیٹر مظفر حسین شاہ نے آکھیا کہ ستر سال بعد فاٹا کوں انہاں دے حقوق ملے ھن سینیٹر سراج الحق ، ستارہ ایاز ، سجاد حسین طوری تے رحمان ملک نے وی بل دی منظوری کوں کوش آئند قرار ݙیندے ہووے فاٹا دے عوام کوں بالخصوص مبارکباد ݙیتی