نواز شریف نے دفتر خارجہ کوں بھارت دیخلاف الاوݨ توں ھٹکیا ھا

اسلام آباد ، دفتر خارجہ دی سابق ترجمان تسنیم اسلم دا دعوی ھِ کہ سابق وزیر اعظم نواز شریف نے دفتر خارجہ کوں بھارت تے ایندے پاکستانی حراست ءچ موجود جاسوس کلبھوشن یادیو دیخلاف الاوݨ توں منع کیتا ھا ۔اسلام آباد نال تعلق رکھݨ والی صحافی عیسی نقوی دے یوٹیوب چینل کوں ݙیتے گئے ھک انٹرویو ءچ سابق ترجمان نے دعوی کیتا کہ نواز شریف نا چاھندے ھن کہ دفتر خارجہ دے ذریعے بھارت تے کلبھوشن یادیو دیخلاف کجھ آکھا ونجے ، واضح رھاوے کہ تسنیم اسلم ٢ واری دفتر خارجہ دی ترجمان رہ چکی ھن پہلی وارہ او سابق صدر جنرل ر پرویز مشرف دی حکومت دے دوران ٢٠٠٥ توں ٢٠٠٧ تک این عہدے تے رھی ھن ݙوجہی واری ٢٠١٣ توں ٢٠١٧ تک پاکستان مسلم لیگ ن دے دور حکومت ءچ انہاں اے فرائض انجام ݙیتے۔ گالھ مہاڑ دے دوران پچھا گئیا کہ نواز شریف دی ھدایات توں ملک کوں فائدہ تھیا تاں انہاں دا آکھݨ ھا کہ ایں ملک فائدہ نی تھئیا لیکن میکوں اے کینی معلوم کہ آیا ایں نال انہاں (نواز شریف) دے ذاتی مفاد کوں فائدہ تھئیا یا کینی تھیا، تسنیم اسلم دا آکھݨ ھا کہ نواز شریف دے بھارت ءچ کاروباری مفادات ھن تے جئیں ویلے او بطور وزیر اعظم بھارت دا دورہ کیتا ھا بھارت دے زیر تسلط کشمیر دی سیاسی جماعت حریت کانفرنساں دے رہنماواں نال نی ملے۔

انہاں دا آکھݨ ھا کہ عام طور تے پاکستان دا ہر وزیر اعظم جئیں ویلے بھارت دا دورہ کریندے تاں او حریت قیادت نال ملاقات کریندا ھا لیکن نواز انہاں نال نا ملے۔ خیال رہاوے کہ سابق وزیر اعظم نواز شریف ٢٠١٤ ءچ بھارت دا دورہ کیتا ھا ۔ سابق ترجمان دا آکھݨ ھا کہ ایتھاں تک کہ اقوام متحدہ دے اجلاس ءچ اپنڑیں تقریر دے دوران نواز شریف نے بھارت تے کلبھوشن یادیو توں متعلق گالھ ھی نی کیتی لیکن مسئلہ کشمیر تے کیتی۔