عوام ملک دشمناں اتے دہشت گرداں دے ماسٹر مائنڈ کوں مسترد کر ݙتے، وفاقی وزیر اطلاعات مریم اورنگزیب دا عمران خان دے بیان تے ردعمل
اسلام آباد۔15مئی (اے پی پی) وفاقی وزیر اطلاعات تے نشریات مریم اورنگزیب آکھیا جو عوام ملک دشمناں اتے دہشت گرداں دے ماسٹر مائنڈ کوں مسترد کر ݙتے، عوام عمران خان دی دہشت گردی اتے ملک دشمنی دا حصہ ٻݨݨ کوں تیار کائنی۔ عمران خان کینویں تیار رہݨ دا آکھدے پن؟ سنوار کوں پی ٹی آئی چیئرمین عمران خان دے بیان تے ردعمل اچ انہاں آکھیا جو دہشت گرد، مسلح جتھے اتے غنڈے قانون دے مطابق گرفتار ہن، شہیداں دی یادگاراں دی بے حرمتی، حساس سرکاری عمارتاں تے حملے، مسیتاں، سکولاں، مویشی منڈیاں اتے مریضاں کوں سرک تے لہا تے ایمبولینس کوں ساڑݨ آلے تاں گرفتار تھی ڳن، ہݨ عمران خان کینویں آواز ݙیندے پن؟ انہاں آکھیا جو عمران خان آرام نال زمان پارک ٻہہ ونجن، جیڑھی ٻھاہ انہاں لاوݨی ہئی لا ڳھدی اے، ولا ٻھاہ کائنا لاوݨ ݙیسوں۔
