سری لنکا اچ شدید معاشی بحران، نجی گاݙیاں کیتے 10 جولائی تئیں پٹرول اتے ڈیزل دی فراہمی بند

کولمبو (اے پی پی) سری لنکا دی  کابینہ ݙاہ جولائی تئیں نجی گاݙیاں کیتے پٹرول اتے ڈیزل بند کرݨ دا فیصلہ کیتے۔ ترک ذرائع ابلاغ دے مطابق سری لنکا اچ ایندھن دی قلت پاروں شہریاں کوں ہدایت کیتی ڳئی اے جو او گھراں اچ ودھ توں ودھ رہون۔ کابینہ ولوں بیان اچ آکھیا ڳیا جو ایں فیصلے دے بعد بین الصوبائی پبلک ٹرانسپورٹ رک ویسی جڈانجو بندرگاہ، طبی خدمات اتے غذائی نقل و حمل کوں پٹرول اتے ڈیزل ݙتا ویسی۔ بئے شعبے دے لوکاں کوں آکھیا ڳئے جو او ایں اوکھ اچ او گھروں ٻہہ تے کم کرن۔ بیان اچ آکھیا ڳیا جو سری لنکا کوں ایں ویلھے ملک دی تاریخ دا ساریاں توں وݙے معاشی بحران دا سامݨا اے۔