اسلام آباد(سرائیکی نیوز۔ میثم نقوی) سابق رکن قومی اسمبلی کشمالہ طارق نے عورتاں کوں ہراسا کرݨ دی روک تھام کیتے وفاقی محتسب دی حیثیت نال حلف چا گھیدا ، صدر مملکت ممنون حسین نے کشمالہ طارق توں عہدے دا حلف گھیدا، تفصیل دے مطابق ایوان صدر اچ منعقدہ تقریب اچ کشمالہ طارق نے مقام کار تے عورتاں کوں ہراساں کرݨ دی روک تھام کیتے وفاقی محتسب دا حلف چا گھیدا۔ تقریب اچ سینئر سرکاری افسران تے مختلف شعبہ ہائے زندگی نال تعلق رکھن والی ممتاز شخصیات نے شرکت کیتی ۔ بعد ازاں کشمالہ طارق نے صدر مملکت ممنون حسین نال ملاقات وی کیتی صدر مملکت نے وفاقی محتسب دی ذمہ داریاں سنبھلیندے ہووے کشمالہ طارق کوں مبارکباد ݙیتی تے امید ظاہر کیتی کہ او موثر تے فعال انداز اچ اپنڑی ذمہ داریاں سر انجام ڈیسن، کشمالہ طارق نے مقام کار تے عورتاں کوں ہراساں کرن دی روک تھام کیتے وفاقی محتسب مقرر کرݨ تے صدر مملکت دا شکریہ ادا کیتا۔
کشمالہ طارق نے عورتاں کوں ہراساں کرݨ دی روک تھام کیتے وفاقی محتسب دی حیثیت نال حلف چا گھیدا
مقالات ذات صلة
