پیرس (سرائیکی نیوز) ایف اے ایف ٹی دی طرفوں پاکستان دا ناں گرے لسٹ اچ ہووݨ دیاں خبراں نے سویر توں ھی ملک اچ کھلبلی مچا رکھی ھائی تاہم ھن ایف اے ٹی ایف نے وی اعلامیہ جاری کرݙتا ھِ جیندے بعد اصل حقیقت سامنڑیں آ گئی ھِ تمام خبراں غلط ثابت تھئیاں ھن۔ نجی ٹی وی چینل دے مطابق ایف اے ٹی ایف دی طرفوں اعلامیہ جاری کر ݙیتا گئیا ھِ کمیونیکیشن منیجر ایف اے ٹی ایف الیگزینڈر ڈانیالے نے آکھیا ھِ کہ پاکستان دا ناں ایف اے ٹی ایف اچ شامل نی کیتا گئیا ، ایف اے ٹی ایف پاکستان دا ناں گرے لسٹ اچ شامل کرݨ دیاں خبراں دا ذمہ دار کینی۔ ترجمان دے مطابق پاکستان کوں تادیبی اقدامات کرݨ کیتے ٣ مہینیاں دا وقت ݙیتا گئیا ھِ ایں دوران پاکستان نے اے اقدامات چاتے ھن تاں ایندے واسطے مشکلات تھئی سکدیاں ھن۔
واضح رھاوے کہ سنیئر صحافی کامران خان نے حکومتی ذرائع دے حوالے نال دعوی کیتا ھا کہ دنیا دے اہم ترین ملکاں نے اے فیصلہ کیتا ھِ کہ پاکستان دا ناں دہشت گرداں دے معاون ممالک دی فہرست اچ پاتا ونجے ایں معاملے اچ پاکستان دے برادر ملک ترکی نے پاکستان دی آخری وقت تک حمایت کیتی جبکہ دیگر تمام دوست عین موقع تے پاکستان دا ساتھ چھوڑ گئے آخری وقت تے چین نے وی ہتھ کھڑے کر ݙیتے جبکہ پاکستان کوں سعودی عرب کوں وی مکمل حمایت حاصل نی رہی تے روس نے وی پاکستان دی مدد نی کیتی تاہم ھن ایں وانگوں گردش کرݨ والیاں ساریاں خبراں دی ایف اے ٹی ایف دے اعلامیے دے بعد تردید تھئی گئی ھِ
