قومی خبراں پاک فضائیہ دے شعبہ تعلقات عامہ دا عیدالاضحی دے موقع تے فلائٹ سیفٹی متعلق آگاہی پیغام نشر

۔11جولائی:پاک فضائیہ دے شعبہ تعلقات عامہ عیدالاضحی دے موقع تے فلائٹ سیفٹی متعلق آگاہی پیغام نشر کیتے جیں اچ عوام الناس کوں قربانی دے جانوراں دیاں آلائشاں محفوظ طریقے نال ختم کرݨ دی تلقین کیتی ڳئی اے ۔ پیغام اچ ایں امر کوں اجاگر کیتا ڳئے جو قربانی شدہ جانوراں دی باقیات کوں پاک فضائیہ دے ائیر بیسز دے نیڑے سٹݨ توں پکھی اتھاں آندن جیڑھے جو طیاریں تے ہوابازاں کیتے خطرے دا باعث بݨدن۔ اے پکھی طیاریں نال ٹکرا تے جہازاں کوں تباہ کرسڳدن جیں دے نتیجے اچ قیمتی جاناں تے املاک کوں ناقابلِ تلافی ضیان تھیوݨ دا امکان ودھ ویندے۔ پیغام اچ عوام توں اپیل کیتی ڳئی اے جو قربانی شدہ جانوراں دی باقیات مخصوص کیتیاں ڳیاں جہیں تے سٹو یا انہاں کوں زمین اچ دٻاؤ تے نیڑے ماحول دی صفائی یقینی بݨاؤ۔