نواز شریف نے طلبی ڊے نوٹس کوں نظر انداز کر ݙیتا
اسلام آباد(سرائیکی نیوز) سابق وزیر اعظم نواز شریف نے نیب دی طرفوں طلبی دے نوٹس کوں نظر انداز کر ݙیتا، نیب ٹیم راہ ݙیکھدی رہ گئی لیکن سابق وزیر اعظم پیش نا تھئے ۔ نیب راوالپینڈے نے فلیگ شپ انویسٹمنٹ تے العزیزیہ اسٹیل مل دے ضمنی ریفرنس اچ بیان ریکارڈ کرݨ کیتے سابق وزیر اعظم نواز شریف کوں اج گیارہ وجے طلب کیتا ھا ۔
نیب دی طرفوں نواز شریف کوں اج ذاتی حیثیت اچ طلب کریندے ہووے سمن جاری کیتے گئے تاہم نیب دی ٹیم انتظار کریندی رہ گئی ۔ پاناما کیس اچ نا اہل قرار پاون والے نواز شریف پہلے وی نیب دے بلاوے تے حاضر نا تھئے ھن۔
واضح رھاوے کہ عرفان منگی نے ݙی جی نیب راوالپنڈی دا چارج سنبھلیندے ھی نواز شریف کوں طلب کیتا ھا سابق وزیر اعظم کوں فلیگ شپ انویسٹمنٹ دے ضمنی ریفرنسز اچ بیان ریکارڈ کرواوݨ واسطے اج سویرے گیارے وجے پیش تھیون دی ہدایت ݙیتی گئی ھائی ڈی جی نیب پاناما کیس اچ ٦ رکنی جے آئی ٹی دے رکن وی ھن۔
