ترکیہ اتے شام اچ زلزلے پاروں مرݨ آلیاں دی تعداد 41 ہزار تھی ڳی

انقرہ  (اے پی پی) ترکیہ اتے شام اچ زلزلے پاروں مرݨ آلیاں دی تعداد 41 ہزار توں ودھ ڳی اے۔ ہک ہفتے بعد تباہ تھئی عمارتاں دے ملبے تلوں ٻے نو بندیاں کوں جیندا کݙھ ڳھدا ڳے۔ سعودی ذرائع ابلاغ موجب ترک صدر رجب طیب اردوان زلزلے دے بعد منیا ہئی جو شروع اچ فوری حکومتی ردعمل اچ کجھ مسئلے ہن پر ہݨ صورتحال کنڑول اچ اے۔ انہاں انقرہ اچ ہک ٹیلی ویژن خطاب اچ آکھیا ہئی جو اساں نہ صرف اپݨے ملک بلکہ انسانیت دی تاریخ دی ساریاں توں وݙی قدرتی آفت دا سامݨا کریندے پیوں۔ اقوام متحدہ دے حکام آکھیا جو ریسکیو دا مرحلہ ہݨ بند تھیوݨ آلا اے اتے ہݨ توجہ رہائش، خوراک اتے سکولنگ تے اے۔ ݙوہیں ملکاں اچ تقریباً ݙو کروڑ سٹھ لوکاں کوں انسانی امداد دی لوڑھ اے۔ اقوام متحدہ آکھیا جو شام اچ تقریباً نوے لکھ لوک زلزلے توں متاثر تھین اتے اوں 40 کروڑ ڈالر فنڈنگ دی اپیل کیتی اے۔