چینی صدر، وزیراعظم دی پشاور حملے دی شدید مذمت، قیمتی جاناں دے ضیان تے افسوس
بیجنگ (اے پی پی)چین دے صدر شی جن پنگ اتے وزیر اعظم لی کی چیانگ پشاور دی مسیت اچ تھیوݨ آلے دہشتگردی حملے دی مذمت کریندے ہوئے قیمتی جاناں دے ضیان تے افسوس کیتے اتے زخمیاں دی تیکھے صحتیابی دی دعا کیتی اے۔ صدر مملکت عارف علوی دے ناویں ہک سنیہے اچ صدر شی جن پنگ چینی حکومت اتے عوام ولوں ایں سانحہ تے افسوس کریندے سوگوار ٹٻراں اتے زخمیاں نال ہمدردی کیتی اے۔ انہاں آکھیے جو چین ہر قسم دی دہشت گردی دی مخالفت کریندے، اساں خطے اچ ڄڳ اچ امن و سلامتی سانڳے پاکستان نال انسداد دہشت گردی تعاون ٻیا ودھاوݨ کیتے تیار ہیں۔ وزیر اعظم لی کی چیانگ وی وزیر اعظم شہباز شریف کوں پرچاوݨی ݙتی اے۔
