مودی حکومت اقلیتی طلبا کیتے مولانا آزاد سکالر شپ سکیم بند کرݙتی

نئی دہلی۔10دسمبر(اے پی پی)بھارت اچ نریندر مودی دی فسطائی بھارتی حکومت اقلیتی برادریاں دے طلبا کیتے مولانا آزاد نیشنل فیلو شپ اتے سکالر شپ سکیم بند کر ݙتی اے۔ کشمیر میڈیا سروس موجب مولانا آزاد نیشنل فیلو شپ 2009 اچ کانگریس دور حکومت اچ شروع تھئی ہئی جیندے کولو مسلمان، بدھ مت، عیسائی، جین، پارسی اتے سکھ طلبا فیدہ چیندے ہن، اے سکیم سچر کمیٹی دی سفارشات سانڳے شروع کیتی ڳئی ہئی۔ بی جے پی حکومت دی اقلیتی امور دی وزیر سمرتی ایرانی لوک سبھا کوں ݙسائے جو حکومت مختلف سکیماں نال اعلیٰ تعلیم کیتے فیلو شپ ݙیندی اے، سوائے مولانا آزاد نیشنل فیلو شب دے ٻیاں ساریاں سکیماں جاری رہسن، ایں سکیم کوں بند کرݨ دا فیصلہ تھئے۔