سرینگر (اے پی پی) بھارت دے غیر قانونی زیر تسلط جموں تے کشمیراچ بھارتی فوجیاں گزریل 75 سالیں اچ چارلکھ توں ودھ کشمیریاں کوں شہید کیتا ڳے۔ کشمیر میڈیا سروس ولوں اج 27 اکتوبر کوں یوم سیاہ مناوݨ دے موقع تے جاری کیتی ڳی ہک رپورٹ اچ آکھیا جو 27 اکتوبر 1947 توں بھارت دے غیر قانونی زیر قبضہ جموں تے کشمیر توں 35 لکھ توں ودھ کشمیری آزاد جموں کشمیر، پاکستان اتے دنیا دے ٻے حصیاں اچ ہجرت تے مجبور تھیے۔ رپورٹ اچ آکھیا ڳیا جو بھارتی فوجیاں جنوری 1989 توں 27 اکتوبر 2022 تئیں 96ہزار 1سو40کشمیری شہید کیتے جئیں اچ ست ہزار ݙو سو 65 کوں حراست اچ اتے وحشیانہ تشدد اتے جعلی مقابلیاں اچ شہید کیتا ڳیا۔
بھارتی فوجیاں ایں عرصے اچ ہک لکھ 65 ہزار ݙو سو 93 لوکاں کوں گرفتار کیتا۔ ہک لکھ 10 ہزار 4 سو 95 مکانات اتے ٻئی عمارتاں تباہ کیتی۔ بھارتی ریاستی دہشت گردی دے نتیجے اچ این عرصے اچ 22 سو 9 سو 51 تریمتیں بیوہ جݙانجو ہک لکھ ست ہزار اٹھ سو 83 ٻال یتیم تھین۔ بھارتی فوجیاں جنوری 1989 توں ہݨ تئیں 11ہزار2سو56 تریمتیں کوں بے حرمتی دا نشانہ ٻݨایا۔ رپورٹ اچ سری نگر اچ قائم ہک ریسرچ سیل دا حوالہ ݙیندیں ہوئیں آکھیا جو مقبوضہ جموں تے کشمیر اچ تعینات بھارتی فوجیاں دی تعداد 15 لکھ ہک ہزار دے نیڑے اے۔ بھارتی فوج دے جواناں دی تعداد 7لکھ50ہزار، پیرا ملٹری اہلکاراں دی تعداد 5لکھ 35ہزار، پولیس اہلکاراں دی تعداد 1لکھ 30ہزار، سپیشل پولیس آفیسرز دی تعداد 35ہزار جڈانجو پنڄاہ ہزار ولیج ڈیفنس کمیٹیاں ہن۔ مجموعی طور تے اے تعداد پندرہ لکھ ہک ہزار ٻݨدی اے۔
