ݙوچینی کمپنیاں دی سیلاب متاثرین کیتے 3کروڑ22 لکھ روپےامداد
بیجنگ۔16ستمبر (اے پی پی):پاک چین دوستی دے ھک تے ٻئے مظہر دے تحت ݙو چینی کمپنیاں پاکستان اچ متاثرین سیلاب کیتے 3کروڑ 22لکھ روپے مالیت دی امددا ݙتی اے ۔چینی ویب سائٹ چائنا اکنامک نیٹ موجب یوآن لانگ پنگ ہائی ٹیک ایگریکلچر کمپنی لمیٹڈ (ایل پی ایچ ٹی) تے گارڈ ایگریکلچرل ریسرچ اینڈ سروسز پرائیویٹ کمپنی(جی اے آر ایس) دی طرفوں ݙتی ڳئی امداد اچ 2کروڑ 61لکھ (26.19ملین ) روپے مالیت دے 440خیمے، 171.5ٹن چاول،1920کلو لوݨ ، 5ٹن اٹا ،اتے 20لکھ روپے نقد امداد لاہور انڈسٹری اینڈ کامرس چیمبر اتے ہائبرڈ ہائی ٹیک سیڈز ایسوسی ایشن دے ذریعے عطیہ کیتے ڳئن تے مقامی عملے دے گھراں دی نویں سروں تعمیردی مد اچ 40لکھ روپے ݙتے ڳئن ، اے امداد لاڑکانہ، نوڈیرو، خیرپور،سانگھڑ،سوات اتے مردان اچ تعمیر نو کیتے خرچ کیتی ویسی ۔ ایل پی ایچ ٹی جدید ہائی ٹیک بج تیار کرݨ آلا گروپ اے جیں دا ناں ماہر تعلیم یوآن لانگ پنگ دے ناں تے رکھیا ڳئے ۔ کمپنی 2 ݙھاکیں توں ودھ عرصے توں پاکستان اچ ہائبرڈ چاول دی کاشت کیتے تکنیکی معاونت ݙیندی پئی اے ۔
