یو این سیکرٹری جنرل دی پائیدار ترقی دے اہداف کوں بچاوݨ تے بہتر دنیا دے پاسے آوݨ کیتے ھک مٹھ تھیوݨ دی اپیل
اقوام متحدہ ۔20ستمبر (اے پی پی):اقوام متحدہ دے سربراہ جنرل انتونیو گوتیرس تے 77ویں جنرل اسمبلی دے صدر کاسابا کوروسی سنوار کوں عالمی رہنماؤاں تے خیر سگالی سفیراں دے نال پائیدار ترقی دے اہداف کوں بچاوݨ تے بہتر دے پاسے آوݨ کیتے عالمی اپیل اچ شمولیت کیتی۔ اقوام متحدہ دے سرابرہ آکھیے جو دنیا کوں یوکرین جنگ تے کورانا وائرس دی عالمی وبا پاروں کئی بحراناں دا سامݨا اے ۔انہاں ایں موقع تے سارے عالمی رہنماواں توں موجودہ بحراناں تے قابو پاوݨ ، ودھدی ہئی ضرورتاں کوں پورا کرݨ کیتے سرکاری اتے نجی شعبیں توں مزید مالیات اتے سرمایہ کاری دی اپیل کیتی ۔ انہاں جھیڑے ، آب و ہوا دی تباہی، تقسیم، بے روزگاری، وݙے پیمانے تے نقل مکانی تے ٻئے موجودہ چیلنجز کوں وݙا خطرہ منیندے ہوئیں آکھیے جو ہݨ مزید انتظار کرݨ دا ویلھا کائنی ۔ جنرل اسمبلی دے صدر کاسابا کوروسی اقوام متحدہ دے سربراہ دے الفاظ کوں دہریندے ہوئیں آکھیے جو اے درپیش چیلنجز توں پچھوں ہٹݨ دا ویلھا کائنی تے ہݨ ویلھا آڳئے جو دنیا کوں بہتری دے پاسے گھن آوݨ بارے سنجیدہ تھی ویسن جیں دے سارے خوشگوار نتجے برآمد تھیسن ، انہاں آکھیے جو اقوام متحدہ دے رکن ملکاں کوں آکھیے جو او کیتے ڳئے وعدیں کوں پورا کرن انہاں آکھیے ھک ایجھی دنیا جیڑھی جو آب و ہوا دے بحران توں ݙوچار اے او ساݙے کیتے پائیدار مستقبل نی ݙے سڳدی تے اساں ایں ڳالھ تے یقین کرݨ کیتے تیار کائنی جو ہݨ آب وہوا دا بحران ناکام معاشرے دا باعث ہوسی جیں اچ کوئی ناپید نسل نہ ہوسی ۔
