اسلام آباد۔14جولائی(اے پی پی)وزیراعظم محمد شہباز شریف آئی ایم ایف پروگرام دی بحالی تے وزیر خزانہ مفتاح اسماعیل اتے وزیر خارجہ بلاول بھٹو زرداری دی اڳواݨی اچ وزارت خزانہ اتے وزارت خارجہ دی ٹیماں کوں مبارکباد ݙتی اے۔ ٹویٹ اچ انہاں آکھیے جو اے بہترین ٹیم ورک دا نتیجہ اے، عالمی مالیاتی فنڈ نال معاہدہ تھیوݨ پاروں ملک دی معاشی اوکھ مکاوݨ اچ مدد ملسی۔
اسلام آباد۔14جولائی(اے پی پی)وزیراعظم محمد شہباز شریف آکھیے جو سپریم کورٹ دے عدم اعتماد بارے تفصیلی فیصلے نال عمران خان اتے انہاں دی کمپنی دا کوڑ اتے پراپیگنڈہ بے نقاب تھئے۔ ہک ٹویٹ اچ انہاں آکھیے جو اے افسوسناک اے جو عمران خان آئین کوں مجروح کرݨ دی کوشش کیتی اتے حکومت دی تبدیلی بارے کوڑ ماریے، معزز عدالت دا فیصلہ پڑھݨا ہر کہیں کیتے ضروری اے۔
