کراچی ءچ ݙوجہے ݙینھ وی بارش، نظام زندگی درھم برھم

کراچی(سرائیکی نیوز) کراچی ءچ ݙوجہے ݙینھ وی بارش، نظام زندگی درھم برھم، تفصیل دے مطابق شہر قائد دے مختلف علاقیاں ءچ لگاتار ݙوجہے ݙینھ وی بارش دا سلسلہ جاری ھِ اکثر علاقیاں ءچ بجلی دا نظام تاحال درہم برھم ھِ جبکہ کرنٹ لگݨ نال مزید ٢ بال جاں بحق تھئی گئے ھن ، محکمہ موسمیات دی طرفوں جاری بیان دے مطابق بھارتی ریاست راجستھان توں آوݨ والی بارشاں دا سلسلہ کافی حد تک کمزور تھئی گئے تے اج ٣٠ جولائی دی رات تک اے ختم تھئیو یسی بیان دے مطابق کراچی ، قلات تے مکران ڈویزن ءچ ݙینھ دے ویلے تیز ہوواں تے گرج چمک دے نال نال مزید بارشاں دا امکان ھِ

کراچی ءچ ایں ویلے کیماڑی توں اسٹیل ٹاون تک وقفے وقفے نال ہلکی تے تیز بارش دا سلسلہ جاری ھِ تریھ ہٹی تے لیاری ندی ءچ ٣ بالان دے ڈوبݨ دی اطلاع تے ایدھی دے غوطہ خوراں نے باحافظ کدھ گھیدا مزید امدادی سرگرمیاں جاری ھن۔ تاہم بارش دی وجہہ توں ھک بالڑی دی ہلاکت دے بعد کراچی ءچ کرنٹ لگݨ نال ھلاک تھیوݨ والیاں دی تعداد ١٢ تھئی گئی ھِ شہر ءچ گزرن ڈینھوار بارش دی وجہہ توں تمام نجی تے سرکاری اسکولاں کالجزاں ءچ عام تعطیل ھِ جبکہ بیشتر تجارتی مراکز وی بند ھن۔

بارش دی وجہہ نال ٹیکس رکشیاں والے منہ پھاڑ تے کرائیے منگدے پئن پبلک ٹرانسپورٹ نہ ہوون دی وجہہ نال عوام کوں شدید مشکلات دا سامنڑاں ھ، کراچی ءچ گزرن ݙینھ تھیون والی بارش دا پانڑیں ڈوجہے ݙینھ وی نا کڈھا ونج سکا ، سرجارنی ٹاون، گجر نالہ دے نیڑے آبادیاں ءچ پانڑیں کھڑا ھِ جبکہ قیام آباد کے پی ٹی پل دے تلے فٹ پاتھ تک کھڑے پانڑین توں موٹر سائیکل سوار پریشان ھن۔

گورنر ہاوس دے سامنڑیں سڑک پانڑیں ءچ ڈوبی ہوئی ھِ جبکہ سٹی کورٹ تالاب دا منظر پیش کریندا پئے ݙوجہے پاسے شاہراہ فیصل نرسری پل دے نیڑے صدر پاسوپرٹ آفس دے سامنڑیں سڑک بہہ گئی ھِ تے احتساب عدالت دے سامنڑیں لگیا قدیم درخت وی زمین بوس تھئی گئے ، لگاتار جاری رھاوݨ والی بارش دی وجہہ نال سپر ہائی وے تے وی بری طرح متاثر تھئے تے کراچی توں حیدر آباد ونجن والا ھک ٹریک مکل طور تے بند کر ݙیتا گئیا ھِ سعدی ٹاون توں آوݨ والا ریلا نادر بائی پاس دے اطراف گوٹھاں ءچ داخل تھئی گئے

سندھ حکومت دی ناقص کارکردگی دی وجہ نال آج عوام پریشان ھِ ، حلیم عادل شیخ

پاکستان تحریک انصاف سندھ دے صدر و پارلیمانی لیڈر حلیم عادل شیخ دا کراچی ءچ بارشاں توں متاثرہ علاقیاں دا دورہ ، میڈیا نال گالھ مہاڑ کریندے ہووے آکھیا کہ سندھ حکومت خالی گالھیں تک محدود نا رھاوے کم وی کرنا پوسی، انہاں آکھیا کہ بارش نال متاثرہ علاقیاں ءچ سندھ حکومت نے امدادی سرگرمیاں دا آغاز نی کیتا ، حلیم عادل شیخ دا آکھݨ ھا کہ سندھ حکومت دی ناقص کارکردگی دی وجہہ توں اج عوام پریشان ھِ بارشاں توں متاثرہ علاقیاں ءچ ہنگامی بنیاداں تے ریلیف دا کم شروع کیتا ونجے۔