خان پور (سرائیکی نیوز)خانپور ءچ تریھ بندیاں نے مدرسہ طالب علم دی زبان کٹ ݙیتی تفصیل دے مطابق تریھ ناواقف بندیاں نے پاکستان کالونی دے مدرسہ طالب علم محمد انور دی زبان کٹ ݙیتی، ریسیکیو اہلکاراں نے محمد انور کوں بے ہوشی دی حالت ءچ ہسپتال پھجا ݙیتا، ھوش ءچ آون دے بعد پولیس کوں اشاریاں نال ڈسایا کہ زبان کٹݨ والیاں کوں نی سنجھانڑدا، خان پور ءچ ایں طرز دی پہلی واردات ھِ پولیس بیان دے مطابق پرچہ درج کر تے نامعلوم بندیاں دی تلاش شروع کر ݙیتی۔