ترنڈہ محمد پناہ، مسافر سڑک کنارے طبیعت خراب تھیوݨ نال انتقال کر گئیا
ترنڈہ محمد پناہ (سرائیکی نیوز) ترنڈہ محمد پناہ، مسافر سڑک کنارے طبیعت خراب تھیوݨ نال انتقال کر گئیا، تفصیل دے مطابق اج سمہ سٹی توں دربار کوٹ مٹھن شریف ویندے ہووے رستے ءچ قذافی پیٹرول پمپ ترنڈہ محمد پناہ دے نیڑے ایں بندے دی اچانک طبعیت خراب تھئی گئی ایندے بعد الٹیاں اوݨ شروع تھئی گئیاں کہیں کوں کجھ نہ پتہ چلا کہ اے بندہ کیوں ایتھاں بیٹھاں ھِ نیشنل ھائی وے تے معمول دی طرح ترنڈہ محمد پناہ ایلیٹ فورس دے جوان گشت کریندے ہووے ایتھوں لنگھے تاں انہاں دی نظر ایں بندے تے پئی تے انہاں گڈی روک تے چیک کیتا تاں او بندہ انتقال کر چکا ھا ، ایلیٹ فورس نے ایندی تلاش گھیدی تاں پتہ لگیا کہ او سمہ سٹہ دا ھِ تے ایندے حقیقی بھیرا جیندا ناں سخاوت ھِ ایکوں اطلاع ݙیتی گعے تے او ڈی ایس پی کوں ایں بارے آگاہ کیتا۔ تاحال طبیعت خرابی دی کوئی وجہہ پتہ نا لگ سکی۔
