گورنمنٹ گرلز ڈگری کالج دی کباڑ ءچ تبدیلی طالبات کوں پریشانی دا سامنڑاں
وہاڑی (سرائیکی نیوز، ٢٨ جنوری) گورنمنٹ گرلز ڈگری کالج دی طالبات کوں گھن آوݨ تے چھوڑݨ والی کروڑاں روپے دی لاگت نال گھیدی گئیں ٢ بساں کباڑ بݨ گئیاں ، دور توں تعلیم حاصل کرݨ کیتے کالج آوم والی طالبات بدستور پرائیوٹ ٹرانسپورٹ استعمال کرݨ دے مجبور بساںبند ھن، ذرائع دے مطابق سابقہ دور حکومت ءچ پنجاب گورنمنٹ نے گرلز ڈگری کالج دی طالبات کیتے ٣ بساں ݙیتیاں ھن جو تعلیم حاصل کرݨ والی دور دراز توں آوݨ والی طالب علماں کوں گھراں توں گھن تے سکول دے بعد چھوڑ تے آندیاں ھن کجھ عرصے اے بساں سروس ݙیندیاں رھیاں لیکن ھک دے بعد ھک کر تے خراب تھئی گئیاں ایندے بعد کوئی ایں بساں تے توجہ نی ݙیتی گئی ، اے اج تک کالج ءچ کباڑ دی صورت ءچ موجود ھن ، جیندے نال غریب گھرانے دیاں بالڑیاں تعلیم حاصل کرݨ توں محتاج ھن انہاں وزیر اعظم عمران خان تے وزیر اعلی عثمان بزدار توں اپیل کیتی کہ کروڑاں روپے دء ءچ خریدی ونجن والیاں بساں کوں ناکارہ کر تے کھڑا کر ݙیتا گئیا ھِ تے ڈیزل دے مد ءچ ہر مہینے حکومت توں پیسے کھاندے پئن
