اسلام آباد(سرائیکی نیوز) لاہور ھائی کورٹ دے عبد قومی احتساب آرڈیننس ݙوجہی ترمیم ٢٠١٩ کوں سرکاری افسران تے تاجراں وکں فائدہ ݙیوݨ دی بنیاد تے سپریم کورٹ ءچ وی چیلنج کر ݙیتا گئیا
تفصیل دے مطابق صحافی فرخ نواز بھٹی نے ایڈووکیٹ ڈاکٹر جی ایم چوھدری دے ذریعے درخواست دائر کیتی ھِ جیندے ءچ استدعا کیتی گئی کہ درخواست دا فیصلہ تھیوݨ تک نویں آرڈیننس دے افعال کوں معطل کیتا ونجے خیال رھاوے کہ ٢٦ دسمبر کوں حکومت نے قومی احتساب آرڈیننس ١٩٩٩ ءچ ترمیم کیتے آرڈیننس نافذ کر تے تاجراں تے بیورو کریٹس کوں ریلیف فراہم کیتا ھاں ، درخواست گزار دا موقف ھا کہ نواں قانون نیک نیتی دے بھانے طریقہ کار دی خلاف ورزی کرݨ کیتے راہ فراہم کریندا ھِ جیندے نال سرکاری افسران تے سول سرونٹس کوں مبینہ طور تے ریاست دے معاملات تے اپنڑیں منشاء دے مطابق چلاوݨ دی اجازت حاصل ہوسی۔
درخواست گزار دا مزید آکھݨ ھا کہ ایں دے دفاع ءچ آکھیا ونج سکدے کہ ایں آرڈیننس دی صرف چند شقاں آئین دے دائرے توں باھر ھن جبکہ کجھ ایندے مطابق ھن
انہاں شقاں کوں آرڈیننس توں علیحدہ کرݨ مشکل ھ کیونکہ اے آرڈیننس دا پورا قانونی ڈھانچہ خراب کر ݙیسن جیندے نال ایندی جوڈیشل اسکروٹنی تے چنگے حصے کوں برے حصے توں الگ کرݨ کیتے آئین دی دفعہ ٨ دے تحت ایں تے نظرثانی ممکن ھِ درخواست گزار دا مزید آکھݨ ھا کہ انصاف ، مساوات ، قانون دی حکمرانی ، قانون دے ضوابط تے طریقہ کار استحصال تے امتیازی سلوک دے خاتمے کیتے ضروی ھِ کہ آرڈیننس کوں آغاز توں ھی غلط تے آئین دے دائرے توں باھر قرار ݙیتا ونجے ۔ درخواست ءچ موقف اختیار کیتا گئیا کہ نواں آرڈیننس بنیادی حقوق دیخلاف ورزی ھِ جیندی زمانت آئین ءچ دفعہ ٣ دے تحت استحصال دے خاتمے تے دفعہ ٤ دے تحت قانون دی حکمرانی دے حوالے نال ݙیتی گئی ھِ
