ایپل تے اہم ٹیکنالوجی فیچر چوری کرݨ دا الزام

ایپل نے اپنڑی اسمارٹ واچ ءچ ٢٠١٨ ءچ ای سی جی مشین دی طرح کم کرݨ والا فیچر متعارف کروایا ھا جو کہ دل دی دھڑکن دی بے ترتیبی کوں پکڑیندا ھا تے کیں ویلے ڈاکٹر نال رجوع کرنا چاھیدا ھِ ایں بارے وی آگاہ کریندا ھا، درحقیقت ایں فیچر کوں زندگی بچاوݨ کیتے انتہائی اہم قرار ݙیتا غیا ھا تے نومبر ءچ ھک بندے نے دعوی کیتا کہ ایپل واچ نے دل دی دھڑکن ءچ بے ترتیبی توں بروقت آگاہ کر تے ایندی زندگی بچاوݨ ءچ کردار ادا کیتا ھِ لیکن ھݨ نیو یارک یونیورسٹی دے ھک کارڈیالوجسٹ نے دعوی کیتا ھِ در حیقت ایں نے اے ٹیکنالوجی ڈیزائن کیتی ھائی جیئں کوں ایپل نے چوری کر گھیدا ایں وجہہ نال ایں کمپنی دیخلاف مقدمہ وی دائر کر ݙیتا گئیا ھِ بلومبرگ دی رپورٹ دے مطابق جوزف ویزل نامی ماہر نے دعوی کیتا کہ ایں نے دل دی دھڑکن ءچ بے ترتیبی پکڑݨ والی ٹیکنالوجی دی ایجاد تے پینٹنٹ برسوں پل کروائی ھائی تے گزشتہ ہفتے انہاں اپیل تے ہرجانے دی وصولی کیتے مقدمہ دائر کیتا۔ ایپل نے ایں فیچر کوں متعارف کرویندے ہووئے آکھیا ھا کہ گاھکاں دی زندگی بچاوݨ والا فیچر ھِ جیندے پہلے ایپل واچ ٤ ءچ پیش کیتا گئیا لیکن ھن اے تمام ایپل واچ ماڈلز ءچ دستیاب ھِ جزوف ویزل نے دل دی دھڑکن تے نظر رکھݨ والی ݙیوائس دے پیٹنٹ ٢٠٠٢ ءچ داخل کیتا ھا ایں پیٹنٹ ءچ آکھا گئیا ھا کہ اے ݙیوائس نبض دے ذریعے دل دی دھڑکن ءچ بے ترتیبی نال لوگاں کوں آگاہی ݙیسی اپنڑیں مقدمے ءچ جوزف ویزل نے آکھیا کہ انہاں نے ایپل کوں اپنڑیں پیٹنٹ تون ٢٠١٧ ءچ آگاہ کیتا ھا لیکن کمپنی نے ایں حوالے نال گالھ مہاڑ توں انکار کر ݙیتا ھا ایپل دی طرفوں فی الحال ایں حوالے نال کوئی رد عمل یا بیان سامنڑیں نی آیا۔