اسلام آباد ۔ انٹرنیشنل مانیٹری فنڈ (آئی ایم ایف ) دے نال مل تے طے کیتے گئے اھداف کوں پورا کرݨ کیتے حکومت بجلی دے نقصان دی اضافہ لاگت وی بجلی استعمال کرݨ والیاں تے نویں سرچارج لا تے ٢٥٠ ارب روپے دا سالانہ ریونیو اکٹھا کرݨ چاھندی ھِ
اخبار دی رپورٹ دے مطابق ایں سلسلے ءچ پہلا قدم چائندے ہووے کابیہنی دی اقتصادی رابطہ کمیٹی ای سی سی نے ریگولیشن آف جنریشن ، ٹرناسمیشن اینڈ ڈسٹریبیوشن آف الیکٹرک پاور ایکٹ ١٩٩٧ ءچ ترامیم دی پارلیمنٹ ءچ منظوری کیتے اج پیر کوں اجلاس طلب کر گھیدا تاکہ دسمبر ٢٠١٩ تک ودھݨ والے ١٧ کھرب توں زائد دے گردشی قرضیاں دا مسئلہ حل کیتا ونج سکے۔واضح رھاوے کہ آئی ایم ایف نے مالی سال ٢٠١٩ کیتے گردشی قرضیاں دا تخمینہ ٤٦٥ ارب روپے لایا ھا ، ای سی سی اجلس ءچ ٥ ایجنڈیاں تے گالھ مہاڑ کیتی گئی جیندء ءچ سوئی سدرن گیس کمپنی لمیٹٹڈ دے پاکستان اسٹیل ملز تے قابل ادا بلاں دی ادائیگی کیتے فنڈاں دا اجرا، یوٹیلٹی اسٹورز کارپوریشن کیتے ٥ ارب روپے دا قرضہ تے دیگر گرانٹاں شامل ھن ایندے علاوہ حکومت بینکاں توں وی ٢٠٠ ارب روپے دے قرض گھنݨ دے حتمی مراحل ءچ ھِ جیندے نال او گردشی قرضیاں دا وݙا حصہ عوامی قرضیاں ءچ منتقل کریسی۔ واضح رھاوے کہ آئی ایم ایف پروگرام دی حال ءچ تھیوݨ والی پہلی نظر ثانی رپورٹ دے مطابق وزیر اعظم دے مشیر برائے خزانہ ڈاکٹر عبدالحفیظ چیخ تے اسٹیٹ بینک آف پاکستان ایس بی پی دے گورنر ڈاکٹر رضا باقر نے نظرثانی شدہ ساختی معایر دا عزم کیتا تاکہ ومجودہ مہینے ءچ ادائیگی دی لاگت کوں پورا کرݨ کیتے بجلی دے ٹیرف ءچ اضافہ دی اجازت ݙیتی ونجے۔
