ٹرمپ ایرانی ثقافتی جگہواں کوں نشانہ بنڑاوݨ دی دھمکی تے قائم

امرکا دے صدر ڈونلڈ ٹرمپ ، کمانڈر قاسم سلیمانی دی ھلاکت تے ایران دی طرفوں جوابی کارروائی دے اعلان تے تہران دے ثقافتی مقامات کوں نشانہ بنڑاوݨ دی دھمکی تے قائم ھِ برطانوی خبر رساں ادارے رائٹرز دی رپورٹ دے مطاق امریکی صدر ڈونلڈ ٹرمپ نے خبردار کیتا ھِ کہ اگر ایران نے فوجی کمانڈر دے قتل دے جواب ءچ حملہ کتیا تاں وݙی انتقامی کارروائی کیتی ویسی۔ جیتھاں ھک پاسے ڈونلڈ ٹرمپ ایران کوں خبردار کریندا پیئے ݙوجہے پاسے امریکی صدر تے انہاں دے مشیر انہاں کوں امریکی ڈرون حملے دا دفاع کریندے پئن جیندے نتیجے ءچ ایرانی فوجی کمانڈر قاسم سلیمانی ھلاک تھئے ھن تے خطے ءچ کشیدگی ءچ اضافہ تھیا ھا ، ڈونلڈ ٹرمپ دا آکھݨ ھا کہ قاسم سلیمانی امریکیاں تے حملے دی منصوبہ بندی کریندے پئے ھن انہاں زمید آکھیا کہ انہاں انٹیلی جینس رپورٹاں کوں جاری کرݨ تے غور کریسن جو ایرانی کمانڈر دے براہ راست قتل دی وجہہ بنڑیاں۔ ایران دی طرفوں ممکنہ انتقامی کارروائی توں متعلق امریکی صدر نے آکھیا کہ اگر ایویں تھیندا ھِ تاں او کجھ کریندے ھن تاں وݙی انتقامی کارروائی تھیسی۔ امریکی سیکریٹری خارجہ مائیک پومپیو نے ڈونلڈ ٹرمپ دی طرفوں ایرانی ثقافتی اھداف کوں نشانہ بنڑاوݨ دی دھمکی کوں مسترد کیتا لیکن جئیں ویلے ایں حوالے نال امریکی صدر توں پچھا گئیا تاں انہاں مائیک پومپیو دے بیان دی مخالفت کیتی ۔ امریکی صدر نے آکھیا کہ انہاں سڑکاں تے بم استعمال کرݨ تے اساݙے لوگاں کوں دھماکے نال اݙاوݨ دی اجازت ھ تے اساں انہاں دے ثقافتی مقامات کوں کجھ نی کر سکدے اے نا چلسی، خیال رھاوے کہ امریکی صدر نے سماجی رابطے دی ویب سائٹ تے ٹوئٹر تے کیتے گئے مختلف ٹوئتس ءچ آکھیا ھا کہ قاسم سلیمانے اساݙے سفارت خانے تے وی حملے کریندا رھیا ھِ تے ݙوجہیاں جگہواں تے حملیاں دی وی تیاری کریندا رھیا ھِ نال ھی انہاں آکھیا کہ ایران کئی سالاں توں ھک مسئلہ بنڑا ھویا ھِ ایکوں دھمکی سمجھا ونجے کہ اگر ایران نے امریکیاں یا امریکی اثاثیاں تے حملے کیتے تاں ٥٢ ایران اھداف کوں نشانہ بنڑیسوں۔ اے ٥٢ اھداف ءچ چند ایران تے ایرانی ثقافت کیتے نہایت اہم تے اعلی سطح دے ھن تے انہاں اھداف نال ایران کون وݙا دھچکا لگسی امریکا مزید دھمکیاں نی ݙیوݨ چاھندا۔ واضح رھاوے کہ عالمی قانون تے اقوام متحدہ دی سلامت کونل دی قرار داد تے ثقافتی املاک دے تحفظ توں متعلق ھیگ کنونشن ١٩٥٤ دے تحت فوجی کارروائی دے نال ثقافتی مقامات کوں نشانہ بنڑاوݨ جنگی جرم سمجھا ویندا ھِ ایں حوالے نال اقوام متحدہ دی سلامتی کونسل دی قرار داد دی حمایت ٢٠١٧ ءچ ٹرمپ انتظامیہ نے کیتی ھائی