امریکا ایران جھیڑا، مشرق وسطی دی صورتحال بہوں تشویشناک ھِ، وزیر خارجہ
وزیر خارجہ شاہ محمود قریشی نے امریکا ایران جھیڑے تے سینیٹ ءچ اظہار خیال کریندے ہووے آکھیا ھِ کہ مشرق وسطی دی صورتحال بہوں تشویشناک ھِ
اسلام آباد ۔ چیئرمین سینیٹ صادق سنجرانی دی زیر صدارت اجلاس ءچ امریکا ایران کشیدگی تے بیان ݙینوے ہووے وزیر خارجہ نے آکھیا کہ ٢٧ دسمبر کوں ھک راکٹ حملے دے ذریعے عراق ءچ امریکی قافلے تے حملہ تھیا تے ایندء ءچ ھک امریکی کانٹریکٹر مارا گئیا تے دیگر زخمی تھئے انہاں آکھیا کہ ٢٩ دسمبر کوں ایں حملے دے رد عمل دے نتیجے ءچ امریکا نے کارروائی کیتی تے ایں ملیشیاء دے ٢٥ بندے ھلاک تھئے تے ٥٠ زخمی تھئے اپنڑی گالھ جاری رکھیندے ہووے وزیر خارجہ نے آکھیا کہ امریکی حملے دے جواب ءچ احتجاج دا فیصلہ کیتا تے ٣١ دسمبر کوں بغداد ءچ امریکی سفارت خانے دے سامنڑیں احتجاج کیتا گئیا جیندے ءچ ھزاراں تعداد ءچ لوگ موجود ھن جیندے ءچ جلاو گھیراو وی کیتا گئیا ، شاہ محمود قریشی نے آکھیا کہ خوش قسمتی نال امریکی سفارت خانے کوں بروقت خالی کروا گھیدا ھا تاں کوئی ھلاکت رپورٹ نی تھئی ۔ انہاں آکھیا کہ امریکا نے یکم جنوری ٢٠٢٠ء کوں ایں احتجاج دا ذمہ دار ایران کوں آکھیا تے ایرانی میجر جنرل قاسم سلیمانی جنہاں کوں بعد ءچ نشانہ بنڑایا گئیا انہاں کوں ایندا ماسٹر مائنڈ قرار ݙیتا ھا ، شاہ محمود قریشی نے آکھیا کہ ومجود حالات نے نویں تناو کوں جنم ݙیتا ھِ جو اسامہ بن لادن ، ابوبکر الغدادی دے واقعات توں زیادہ سنگین تھئی سکدا ھِ وزیر خارجہ نے آکھیا کہ امریکا دی ذہنیت دے ٣ اہم نقطے ھن پہلا او اے آکھیندے ھن کہ اے اقدام جنگ کون روکݨ کیتے ھا ، ݙوجہا اے کہ اساں ھم مزاکرات تے کشیدگی کوں گھٹ کرݨ کیتے تیار ھیں نال ھی او اے وی آکھیندے ھن کہ ایران دی طرفوں کوئی رد عمل آیا تاں اساݙا رد عمل مزید سنگین ہوسی۔ انہاں آکھا کہ تمام معاملے کوں ݙیکھدے ہووے حکومت پاکستان سمجھدی ھِ کہ جنرل قاسم سلیمانی دا قتل بہوں سنجیدہ معاملہ ھِ ایندا اثر ھِ جئیں نال اساں بحثیٹ قوم سمجھنا ھِ کیونکہ ایں معاملے دا ھک اثرھوسی تے او استحکام کیتے خطرہ ھِ انہاں آکھا کہ اساں استحکام کوں خطرہ ݙکھائی دیندا پئے جئیں تے حکومت پاکستان کوں شدید تشویش ھِ
