امریکا دی ایران کوں غیر مشروط مذاکرات دی پیشکش
امریکا نے جنرل قاسم سلیمانی دے قتل دے نتیجے ءچ ایران نال تھیوݨ والی کشیدگی دے خاتمے تے عالمی سطح تے امن دے قیام کیتے ایران کوں مذاکرات دی غیر مشروع پیش کش کیتی ھِ
گزرن ہفتے امریکی ڈرون حملے ءچ ایران دی قدس فورس دے سربراہ جنرل قاسم سلیمانی ھلاک تھئی گئے ھن جیندے بعد تہران نے امریکا کوں سنگین نتائج دی دھمکی ݙے ݙیتی
ایندے بعد ݙونہاں ملکاں دے درمیان حالات کشیدہ تھئی گئے ھن ݙونہاں فریقین دی طرفوں سخت بیانات دے تبادلے دا سلسلہ جاری ھا بدھ کوں ایران نے سلیمانی دے قتل دا بدلہ گھنݨ کیتے عراق ءچ موجود امریکی فوجی اݙیاں تے ٢٠ میزائل فائر کیتے ھن تے انہاں حملیاں ءچ ٨٠ توں ودھ امریکی فوجیاں دی ھلاکت دا دعوی کیتا گئیا ھا تاہم ایندے برعکس امریکا نے ایرانی دعوی کوں مسترد کریندے ہووئے آکھیا کہ حملیاں ءچ امریکی فوج دا کوئی وی جانی نقصان نی تھیا
ایران نے موجودہ حالات ءچ جوھری معاھدے دی پاسداری نھ رکھݨ دا اعلان کیتا تے ݙوجہے پاسے امریکی صدر ٹرمپ نے گزرن ݙینھوار خطاب دے دوران ایران تے فوری طور تے اضافہ پابندیاں لاوݨ دا اعلان کر ݙیتا جیندے نال ݙونہاں ملکاں تے خطے ءچ کشیدگی ءچ اضافہ تے باقاعدہ جنگ دا خدشہ ھا ۔ ھݨ امریکا دی طرفوں ایران کوں غیر مشروط مذاکرات دی پیش کش کیتی گئی ھِ امریکی سفیر کیلی کرافٹ دی طرفوں اقوام متحدہ دی سیکیورٹی کونسل دا خط تحریر کیتا گئیا ھِ جیندے ءچ آکھا گئیا ھِ کہ امریکا ایران دے نال غیر مشروط سنجیدہ مذاکرات کرݨ کیتے تیار ھِ تاکہ عالمی امن تے سیکیورٹی کوں مزید خطرہ نا تھیووے تے ایرانی حکومت مزید جارحی تنا کرے۔
