اسلام آباد ۔ گندم تے چینی دی قیمتاں ءچ اضافے تے سیاسی دباو دے بعد حکومت نے عوامی تنقید توں بچݨ کیتے قدرتی گیس دی قیمت تے ٥ توں ١٥ فیصد اضافے کوں روک ݙیتا
ھک اخبار دی رپورٹ دے مطابق معلومات رکھݨ والے ذرائے نے کابینہ اقتصادی رابطہ کمیٹی ای سی سی دا ݙوجہہ سیشن شام کوں وزارت توانائی طدی طرفوں گیس دی قیمتاں ءچ اضافے دے حوالے نال پیش کیتی گئی سمری تے غور کیتے طلب کیتا گئیا ھا ، وزیر اعظم دے مشیر برائٖے خزانہ عبدالحفیظ شیخ نے ای سی سی دی سویر تے شام کوں تھیوݨ والے اجلاس دی صدارت کیتی
مزید خبر: بدھ توں آٹا ٤٥ روپے کلو ءچ دستیاب ھوسی، وزیر زراعت سندھ
وزارت توانائی پیٹرلیم ڈویژن تے آئل اینڈ گیس ریگولیٹری اتھارٹی اوگرا دے متعلقہ افسران گیس دی قیمتاں ءچ اضافے دے حوالے نال نوٹی فکیشن کوں اگئی تے ودھاوݨ کیتے تیار بیٹھے ھن تاہم انہاں کوں ٨ وجے دے نیڑے سنیا بھیجوایا گئیا کہ ای سی سی نے گندم تے چینی دی قیمتاں تے اضافے تے دباو دی وجہہ نال انکار کر ݙیتا ھِ
تاہم سمری ءچ مقامی صارفین کیتے میٹر دے کرائے ءچ ٤٠٠ فیصد اضافہ ، ٢٠ روپے توں ودھا تے ٨٠ روپے کرݨ دی تجویز ݙیتی گئی ھائی پیٹرولیم ݙویژن دا آکھݨ ھا کہ میٹر دا کرایہ آخری واری ١٩٩٧ ءچ طے کیتا گئیا ھا ۔ سمری ءچ گھٹ گیس استعمال کرݨ والیاں دی قیمتاں ءچ ٥ فیصد اضافہ بجلی دے پلانٹاں کیتے ١٢ فیصد ، صنعتاں تے سی این جی اسٹیشن کیتے ١٥ فیصد ریٹ ودھاوݨ دی تجویز ݙیتی ھائی
