ڈونلڈ ٹرمپ کوں قتل کرݨ والے کیتے ٣٠ کھ ڈالر دے انعام دا اعلان
ایران دے رکن پارلیمنٹ نے اعلان کیتا ھِ کہ جو بندہ قدس فورس دے سابق سربراہ قاسم سلیمانی دے قتل دا بدلہ گھنݨ کیتے امریکا دے صدر ݙونلڈ ٹرمپ کوں قتل کریسے ایکوں ٣٠ لکھ ڈالر دا انعام ملسی۔
قطری نشریاتی ادارے الجزیرہ دی رپورٹ دے مطابق ایرانی قانون ساز دے ایں بیان کون امریکا ءچ تخفیف اسلحہ دے سفیر رابرٹ ووݙ نے مضحکہ خیز قرار ݙیندے ہووے جنیوا ءچ صحافیاں نال گالھ مہاڑ کریندے ہووے آکھیا کہ ایں توں ظاہر تھیندا ھِ کہ ایرانی اسٹیبلشمنٹ دی بنیاد دہشت گرداں کوں طاقت فراہم کریندی ھِ ایران دے غیر معروف رکن پارلیمنٹ احمد حمزہ نے کرمان دے عوام دی طرفوں اے انعام ݙیوݨ دا دعوی کیتا۔ واضح رھاوے کہ عراق ءچ امریکی ڈرون ءچ ھلاک تھیوݨ والے فورس دے سربراہ قاسم سلیمانی دا تعلق کرمان نال ھا ۔ اس ضمن ءچ نیم سرکاری نیوز ایجنسی اسنا دے مطابق جنوبی مشرقی شہر کرمان دے نیڑے کھنوج کاونٹی دی نمائندگی کرݨ والے احمد ھمزہ نے آکھیا کہ ݙونلڈ ٹرمپ کوں قتل کرݨ والے بندے کوں ٣٠ لکھ ڈالر انعام ݙیسوں۔ احمد حمزہ نے ٢٩٠ سیٹاں والی پارلیمنٹ ءچ گالھ مہاڑ کریندے ہووے امریکی صدر دے قتل کیتے انعام دی پیش کش کر ݙیتی ۔
