مسلمان تھئی تے بھارت ءچ نی رھ سکدا ، بھارتی اداکار نصیر الدین شاہ
نویں دھلی ۔ معروف اداکار نصیر الدین شاہ نے شہریت دے متنازع بل تے شدید تنقید کریندے ہووے آکھیا ھِ کہ میݙے خاندان دے کئی لوگ بھارتی فوج ءچ خدمات انجام ݙے چکے ھن کݙھیں اے نی سوچیا کہ اساں مسلمان ہیں لیکن ہوݨ احساس تھیوݨ لگے کہ میں مسلمان تھئی تے بھارت ءچ نی رہ سکدا ھک انٹرویو ءچ انہاں دا آکھݨ ھا کہ میں ٧٠ سال بھارت ءچ گزارن تے او کم کیتا ھِ کہ اے ثابت نی کریندا کہ میں بھارتی ھاں؟ انہاں آکھیا کہ موجودہ صورتحال کوں ݙیکھ تے میں خوفزدہ کینی لیکن غم تے غصہ ضرور ھِ فلم انڈسٹری ءچ نوجوان اداکاراں نے ایں قانون دیخلاف آواز چاتی ھِ لیکن پتہ کینی کیوں وݙے فلمی ستارے ایں صورتحال تے خاموش ھن انہاں دا آکھݨ ھا کہ میں حیران ھاں کہ اساݙے ملک ءچ اتنی نفرت کیتھوں آئی ھِ وزیر اعظم نریندر مودی خود نفرت پھیندے ھن تے پھیلاوݨ والیاں دے پیروکار ھن
