پاکستان محفوظ ملک ھِ جیتھاں کاروبار دء شاندار موقعے موجود ھن، وزیر اعظم

وزیر اعظم عمران خان نے ھک واری ول اقوام متحدہ تے امریکی صدر ٹرمپ تے زور ݙیتا ھِ کہ او تنازع دا شکار خطے کشمیر دے مسئلے دے حل کیتے پاکستان تے بھارت دے درمیان ثالثی دا کردار ادا کرن، امریکی نشریاتی ادارے سی این بی سی کوں ھک انٹریو ݙیندے ہووے انہاں آکھیا کہ کشمیر ایں توں کہیں زیادہ سنجیدھ مسئلہ ھِ جتنا لوگ یا دنیا سمجھدی ھِ مسئلہ اے ھِ کہ بھارت تے انتہا پسندانہ نظریہ غالب آ چکا ھِ جیکوں ھندوتوا یا آر ایس ایس آکھا ویندا ھِ تے نیندر مودی ایں انتہا پسند تنظیم دا تا حیات رکن ھِ

مقبوضہ کشمیر دی صورتحال دا حوالے ݙیندے ہووے انہاں آکھیا کہ ٨٠ لکھ لوگ گزرن سال ٥ اگست نال محاصرے ءچ ھین بھارتی فورسز ھزاراں کشمیری نوجواناں کوں تحفویل ءچ گھن چکی ھِ تے انہاں دے تمام سیاسی رہنماوواں کوں گرفتار کر گھیدا گئیا ھِ

انہاں نے خبردار کیتا ھِ کہ انتہائی سنجیدہ صورتحال ھِ جو ݙو ایٹیمی ممالک دے درمیان تنازع دی شکل اختیار کر سکدی ھِ امریکا تے ایران دے درمیان کشیدگی توں متعلق ھک سوال تے وزیر اعظم نے آکھیا کہ جنگ کہیں مسئلے دا حل کینی انہاں آکھیا کہ ایران دے نال تنازع ترقی پذیر ممالک کیتے تباہ کن تھئی سکدے کیونکہ ایں نال تیل دی قیمتاں ءچ اضافہ تھیسی انہاں دا آکھݨ ھا کہ مذاکرات نال ھی اگئی تے ودھݨ دا بہترین رستہ ھِ تے پاکستان صرف قیام امن ءچ ھی شراکت داری کریسی۔ انہاں یاد ݙیووایا کہ دھشت گردی دیخلاف جنگ دی وجہہ توں پاکستان کوں جانی تے مالی نقصان چاونڑاں پئے ۔ عمران خان دا آکھݨ ھا کہ پاکستان ھݨ محفوظ ملک ھِ جیتھاں کاروبار دے شاندار موقعے ھن۔

دھشت گردی دیخلاف جنگ ءچ سیکیورٹی فورسز دیاں قربانیاں دی تعریف کریندے ہووے انہاں آکھیا کہ پاکستان نے عسکریت پسنداں کوں غیر مسلح کر ݙیتا ھِ تے او پر امن زندگی گزریندے پئے ھن۔ وزیر اعظم نے اقوام متحدہ تے امریکی صدر تے مسئلہ کشمیر دے حض کیتے مداخلت کرݨ تے ھک واری ول زور ݙیتا، انہاں دا آکھݨ ھا کہ کشمیر دی عوام کو ریفرنڈم دے نال فیصلہ کرݨ دا حق ݙیتا ونجے کہ او خود فیصلہ کرن کہ او کیں ملک دے نال الحاق چاھندن ، عمران خان نے بھارت ءچ جاری متنازع شہریت قانون تے جاری مظاہریاں تے گہری تشویش دا اظہار وی کیتا۔