مسجد اقصیٰ تے اسرائیلی سکیورٹی فورسز دے حملے ،او آئی سی دا ہنگامی اجلاس کل تھیسی
جدہ۔7اپریل(اے پی پی) فلسطین مسجد اقصیٰ تے اسرائیلی حملے دے رد عمل اچ آکھیا ڳئے جو اسرائیل دی صرف مذمت کرݨ کافی کائنی بلکہ ایں تے پابندیاں لاتیاں ونڄن ۔ ݙوجھے پاسے مسجد اقصیٰ تے اسرائیلی حملیں تے ڳالھ مہاڑ کیتے اسلامی تعاون تنظیم (او آئی سی) دا وفد دی سطح تے ایگزیکٹو کمیٹی دا ہنگامی اتے کھلا اجلاس ہفتہ ( 8 اپریل )کوں تھیسی ۔ سعودی خبر رساں ادارے دے مطابق فلسطینی وزارت خارجہ آکھیے جو ہر واری وانڳوں ایں واری وی ٻہوں سارے ملکاں دی طرفوں سلامتی کونسل اچ اسرائیل دی مذمت کرݨ کافی نہ ہوسی ۔ وزارتِ خارجہ ٹویٹ اچ آکھیے جو ایں واری ھک دہشت گرد، سرکش قابض اتے ظالم ریاست دے طور تے اسرائیل تے پابندیاں لاتیاں ونڄݨیاں چاہیدن ۔فلسطینی وزارت خارجہ دے ایں مطالبے دے نال نال اسلامی تعاون تنظیم مسجد اقصیٰ تے اسرائیلی حملیں تے ڳالھ مہاڑ کیتے ہفتہ 8 اپریل کوں وفد دی سطح تے ایگزیکٹو کمیٹی دا ہنگامی اتے کھلا اجلاس سݙݨ دا اعلان کرݙتے ۔
