پاکستان ءچ ریلوے توں کرپٹ اداہ کوئی کینی، چیف جسٹس

چیف جسٹس آف پاکستان گلزار احمد نے ریلوے خسارہ کیس ءچ ادارے دی آڈٹ رپورٹ تے برھمی دا اظہار کریندے ہووے ریمارکس ݙیتے ھن کہ ریلوے توں زیادہ کرپٹ پاکستان ءچ کوئی ادارہ کینی ، عدالت عظمی ءچ چیف جسٹس گلزار احمد دی سربراھی ءچ ٣ رکنی بینچ نے ریلوے خسارا کیس دی سماعت کیتی ایں دواران ریلوے دی اڈٹ رپورٹ پیش کیتی گئیں جئیں تے عدالت نے سخت برھمی دا اظہار کیتا۔

چیف جسٹس نے ریمارکس ݙیتے کہ تساݙا ریکارڈ کمپیوٹرائزڈ ہووݨ دے باوجود مینول ھِ جیئں کوں ریلوے وزارت درکار ھِ (ایں توں) پہل خود ریلوے دا سفر کرنا ھوندا ھِ

انہاں ریمارکس ݙیتے کہ ریلوٖ دا پورا محکمہ سیاست ءچ لگا ہویا ھِ روز حکومت ڈھیندا تے بنڑیندا ھِ ، ریلوٖ توں کرپٹ پاکستان ءچ کوئی ادارہ کینی ، ریلوے ءچ کوئی چیز ٹھیک انداز ءچ نی چلدی پئیچیف جسٹس نے ریمارکس ݙیتے کہ محکمہ ریلوے ءچ نہ مسافر ھن نہ مال گڈیاں چلدیاں پئیاں ھن ریلوے تے سفر کرݨ والا ھر بندہ خطرے ءچ سفر کریندا پیا ہوندے نہ ریلوے اسٹیشن ٹھیک ھن نہ ٹریک تے نہ سگنل ٹھیک ھن ایں دوران جسٹس اعجاز الاحسن نے ریمارکس ݙیتے کہ ریلوے کوں ارباں دا نقصان تھیندا پئے ، رپورٹ ءچ واضح کر ݙیتا کہ ریلوٖ دا نظام چلدا ھی کینی پیا، سماعت دے دوران اعجاز الاحسن نے ریمارکس ݙیتے کہ دنیا بلٹ ٹرین چلا تے مزید آگئی تے ودھدی ویندی ھِ لیکن پاکستان ءچ اج وی اٹھارویں صدی دی ریل چلیندے پئے ھیں ۔ چیف جسٹس نے آکھیا کہ مسافر گڈیاں دا حال ݙیکھو ، نال ھی پچھا کہ ریلوے ءچ جو بھا لگی ھائی ایں معاملے دا کیا تھئیا جئیں تے وکیل ریلوے نے عدالت کوں ڈسایا کہ معاملے تے انکوائری تھئی تے ݙو بندیاں دیخلاف کارروائی تھئی جئیں تے چیف جسٹس نے آکھیا کہ چولہے ءچ سٹھو اپنڑیں کارروائی کوں ۔ واضح رھاوے کہ ٣١ اکتوبر ٢٠١٩ء کوں کراچی توں راوالپنڈی ونجݨ والی تیز گام ایکسپریس ءچ جنوبی پنجاب دے ضلع رحیم یار خان دے نیڑے گیس سلنڈر پھٹݨ نال بھا لگݨ دی وجہہ تے ٧٤ بندے جاں بحق جبکہ ٣٠ توں ودھ مسافر زخمی تھئی گئے ھن۔