کرونا وائرس توں عوام کوں بچاوݨ کیتے ہر ممکن اقدام کریسوں، ڈاکٹر ظفر مرزا

اسلام آباد  (اے پی پی) وزیراعظم دے معاون خصوصی ہیلتھ ریگولیشن اینڈ کوآرڈینیشن ڈاکٹر ظفر مرزا آکھیے جو کرونا وائرس توں عوام کوں بچاونڑ کیتے مربوط تے موثر اقدامات کوں یقینی بنڑیندے پیوں، اسلام آباد سمیت سارے وڈے ائیرپورٹس تے سکریننگ کاﺅنٹر قائم کرڈتے گن ،سارے ہسپتالاں دے سربراہیں کوں ایمر جنسی صورت حال نال نبڑنڑ کیتے اقدامات کوں یقینی بنڑاون ۔اے گال انہاں کرونا وائرس توں بچنڑ کیتے جائزہ اجلاس دی صدارت کریندے ہوئیں آکھی اے ۔اجلاس اچ میجر جنرل ڈاکٹر عامر اکرام سربراہ قومی ادارہ صحت ڈی جی ہیلتھ ، پاکستان اچ عالمی ادارہ صحت دے نمائندے ڈاکٹر پلیتھا ماہی پالا تے سارے سرکاری ہسپتالاں دے سربراہیں شرکت کیتی ،اجلاس اچ کرونا وائرس توں بچنڑ کیتے ہنڑ تئیں کیتے ونجنڑ آلے اقدامات دا جائزہ گھدا گیا ،ایں موقع تے ڈاکٹر ظفر مرزا آکھیے جو چین اچ تقریبا 890کیس تے 26موت رپورٹ تھئی اے ،کرونا وائرس توں عوام کوں بچاونڑ کیتے مربوط تے موثر اقدامات کوں یقینی بنڑیندے پیوں ،اسلام آباد سمیت سارے ائیرپورٹس تے سکریننگ کاﺅنٹر قائم کرڈتے گن ۔ انہاں آکھیے جو چین توں آونڑ آلے سارے مسافراں دی سکریننگ کیتی ویندی پئی اے ،سکریننگ اچ مسافر دی میڈیکل ہسٹری دا جائزہ گھدا ویندے ،سارے ائیرپورٹ تے کرونا وائرس بارے معلوماتی مواد کیتے کاﺅنٹر بنڑاونڑ دا فیصلہ کیتے ۔