چین ءچ کرونا وائرس دی وجہہ توں پاک چائنہ بارڈر کوں عارضی طور تے کھولݨ دا فیصلہ منسوخ
گلگت (سرائیکی نیوز) محکمہ داخلہ گلگت بلتستان نے چین ءچ کرونا وائرس دے پیش نظر متقع پاک چائنہ بارڈر کوں عارضی طور تے کھولݨ دے فیصلے کوں منسوخ کر ݙیتا ، محکمہ داخلہ گلگت بلتستان دی طرفوں آکھا گئیا ھِ کہ ملک چین ءچ کرونا وائرس دے پیش نظر متوقع پاک چائنہ بارڈر کوں عارضی طور تے کھولݨ دا فیصلہ منسوخ کر ݙیتا۔ اپنڑیں مقررہ وقت یکم اپریل ٢٠٢٠ توں معمول دے مطابق کھولا ویسی۔ واضح رھاوے کہ چین ءچ وائرس نال ھلاکت دی تعداد ١٣٢ تھئی گئی ھِ جبکی مزید ١٥ سو بندے ایں فائرس نال متاثر تھئی تے ھسپتال پھجے ھن ݙوجہے پاسے عالمی ادارہ صحت دی رپورٹ دے مطابق پندرہ ملکاں ءچ کرونا وائرس پھج چکیای ھِ چینی حکام دی تازہ ترین رپورٹ دے مطابق کرونا وائرس نال مزید ٢٦ بندے ھلاک تھئے ھن جیندے بعد ھلاکتاں دی تعداد ١٣٢ تھئی گئی ھِ جبکی متاثرہ بندیاں دی تعداد تیزی نال ودھدے ہووے چھی ھزار تھئی گئی ھِ کرونا وائرس انتہائی تیز رفتاری نال دنیا ءچ پھیلدا ویندے ایں وائرس دی وجہہ نال عالمی منڈیاں ءچ مندی چھا گئی ھِ چین ءچ نویں سال دی خوشیاں پھکیاں پئے گئیاں
