وسطی افریقی دے ملک کیمرون دے شمال مغربی حصے ءچ دیہات دے حملے دے دوران گھٹ توں گھٹ ٢٢ بندے ھلاک تھئی گئے برطانوی خبر رساں ادارے بی بی سی نے رپورٹ کیتا کہ اقوام متحدہ نے ݙسایا کہ کیمرون دے دیہات نتمبو ءچ مذکورہ واقعہ پیش آیا ایں بارے ءچ مقامی میڈیا نے رپورت کیتا کہ نٹمبو ءچ مرݨ والے افراد ءچ نصف تعداد بالاں دی ھاعی جبکہ کجھ متاثرین کوں زندہ ساڑ ݙیتا گئیا ، تاہم ھݨ تک واقعے دی ذمہ داری کہیں قبول نی کیتی لیکن ھک اپوزیشن جماعت نے ایندی ذمہ دار فوج کو آکھے۔ ایتھاں خطے ءچ ٣ سال توں علیحدگی پسنداں نال لڑݨ والی کیمرون دی حکومت نے حملے ءچ ملوث تھیوݨ دی تردید کر ݙیتی ، ݙوجہے پاسے اقوام متحدہ دی ھیومینتیرین کوآرڈرینین ایجنسی اوچا دےھک عہیدار جیمس نونان نے بی بی سی کوں ݙسایا کہ مارے گعے بندیاں ءچ ھک حاملہ خاتون وی ھائی انہاں آکھیا کہ ایندے علاوے ١٤ بال وی مرݨ والیاں ءچ شامل ھن جنہاں ءچوں ٩ دی عمراں ٥ سال توں گھٹ ھن انہاں دا آکھݨ ھا کہ واقعے نال مقامی آبادی خوفزدہ ھِ
گالھ کوں جاری رکھیندے ہووے انہاں آکھیا کہ جئیں گروپ نے وی اے حملہ کیتا ھِ ایں دھمکی ݙیتی ھِ کہ اگئی تے مزید تشدد تھیسی ایندے علاوے جنہاں لوگاں نال اساݙی گالے تھئی او بہوں صدمے ءچ ھن تے او ایکوں تسلیم نی کریندے ، ھک بیان ءچ ملک دی اہم اپوزیشن جماعت نے حملے کیتے آمرانہ حکومت تے ملک دی سیکیورٹی فورسز دے سربراہ کوں ذمہ دار قرار ݙیتا ھِ تے نال ھی علیحدگی تحریک دے اہم رہنما اگبور مبلا نے وی ریاستی دفاعی فورسز کوں ذمہ دار آکھے۔
