احسان اللہ احسان فرار تھئی گئے؟ حکومت نے تصدیق کر ݙیتی
اسلام آباد ـ احسان اللہ احسان دے فرار تھیوݨ دی سرکاری سطح تے تصدیق کر ݙیتی گئی ۔ وفاقی وزیر داخلہ اعجاز شاہ نے احسان اللہ احسان دے فرار دی باضابطہ تصدیق کر ݙیتی ۔ قومی اسمبلی دی داخلہ کمیٹی دے اجلاس دے بعد صحافیاں نے انہاں توں سوال کیتا تاں انہاں آکھیا کہ ریاست کوں معلوم ھِ ، ریاست باخبر ھِ جلد ھی ایں حوالے نال تساں کوں خوشخبری ملسی ، صحافی دے پچھݨ کہ کیا حکومت ایں حوالے نال کوئی اقدامات کریندی پئی ھِ جئیں تے انہاں آکھیا کہ ایں حوالے نال بہوں کجھ تھیندا پیا ھِ حکومت ایں توں علاوہ وی بہوں اقدام کریندی پئی ھِ جئیں بارے جلد تساں کوں پتہ لگ ویسی ، صحافی نے ھک واری ول خبر دی تصدیق چاھی تاں وزیر داخلہ جواب ݙیتا کہ اے خبر صحیح ھِ
