چین توں ٢ پروازاں مسافراں کوں گھن تے پاکستان پھج گئیاں
چین توں ٢ پروازاں مسافراں کوں گھن تے پاکستان پھج گئیاں
حکومت دی طرفوں چین دا فضاعی آپریشن بحال کرݨ دے بعد ٢ پروازاں مسافراں کو گھن تے پاکستان پھج گئیاں ، خیال رھاوے کہ عالمی ادارہ صحت دی طرفوں کورونا وائرس کوں عالمی ہنگامی صورتحال قرار ݙیوݨ دے بعد پاکستان نے چین دے نال اپنڑیاں پروازاں فوری طور تے ٢ فروری تک معطل کر ݙیتیاں ھن ، ایں ضمن ءچ برطانوی خبر رساں ادارے رائٹرز نال گالھ مہاڑ کریندے ہووے سینئر جوائنٹ سیکریٹری آف ایوی ایشن عبدالستار کھوکھر نے ݙسایا کہ اساں چین دے نال اپنڑاں فضائی آپریشن بحال کریندے پئے ھیں چین سدرن ایئر لائن دی ھک پرواز ١٤٥ مسافراں کوں گھن تے سویرے ٩ وجے اسلام آباد ایئر پورٹ تے لینڈ کر گئی ، بعدازاں وزیر اعظم دے معاون خصوصی برائے صحت ڈاکٹر مرزا نے تصدیق کیتی کہ پروازاں دی بحالی دے بعد چین توں ݙو پروازاں پاکستانی مسافراں کوں گھن تے آئیاں ھن
201/ At Islamabad airport this morning – received passengers from China along with HE Chinese Ambassador in 🇵🇰 CZ6007 brought 69 passengers including 57 Pakistanis and 12 Chinese. We supervised implementation of “Airport SOPs” & I interviewed passengers. pic.twitter.com/22GleZfmUa
— Zafar Mirza (@zfrmrza) February 3, 2020
ٹویٹر دی ویب سائٹ تے پیغام ءچ انہاں دا آکھݨ ھا کہ میں پاکستان ءچ موجود چینی سفارتکاراں دے نال چین توں پاکستان آوݨ والے مسافراں کوں ریسکیو کیتا جیندے ءچ ٥٧ پاکستانی جبکہ ١٢ چینی شامل ھن ایں موقع تے انہاں نے ایئر پورٹ تے مسافراں دی اسکیننگ دے انتظامات دا وی جائزی گھیدا انہاں دا آکھݨ ھا کہ تمام جہازاں دے اݙیاں تے اسکیننگ سسٹم کوں مزید بہتر بنڑاں ݙیتا گئیا ھِ تے حکومت ہنگامی صورتحال کیتے تیار ھِ
ڈاکٹر ظفر مرزا نے آکھیا کہ قومی ادارہ صحت ءچ ممکنہ وائرس کیساں دی تشخیص دی سہولت موجود ھِ پہلی پرواز قطر ایئر لائند ی ھاعی جو دوحہ توں پھجی ھِ تے ایندے ءچ ٤٠ طالب علم سوار ھن محکمہ صحت دے عملے نے اسلام آباد ایئر پورٹ تے انہاں تمام بندیاں دا طبی معائنہ کیتا جیندے بعد انہاں کوں گھر ونجݨ دی اجازت ݙے ݙیتی گئی ، ݙوجہی پرواز چینی سدر ائیر لائن دی ھائی جیندے ءچ ٥٧ پاکستانی تے ١٢ چینی سمیت ٦٩ مسافر پاکستان پھجے ایں پرواز ءچ پاکستان طالب علم و دیگر بندے جو گروپ ءچ شامل ھن جو پروازاں معطل تھیوݨ دی وجہہ توں ارومچی ایئر پورٹ تے پھنس گئیا ھا جیندے بعد انہاں دے ویزیاں دی معیاد ءچ ١١ روز ودھا ݙیتی گئی ھائی۔
اسکریننگ کیٹس
ھک ݙینھ پہل ھی کورونا وائرس دی تشخیص کیتے ھک ھزار کٹاں موصول تھئیاں ھن۔ ایں ضمن ءچ این آئی ایچ لیبارٹری دے سربراہ ڈاکٹر محمد سلمان نے ݙسایا ھا کہ ملک بھر ءچ حاصل کیتے گئے نمونے ٹیسٹ کیتے این آئی ایچ بھیجے ویسن جیتھاں انہاں دا ٹیسٹ کیتا ویسی تے اساں ایندے کیتے باقائدہ ھک طریقہ کار وی لبھ گھیدا ھِ انہاں آکھیا کہ ٹیسٹ دے نتائج کیتے درکار وقت دے حوالے نال کوئی تفصیل نی ݙسائی جبکہ عام طور تے پی سی آڑ ٹیسٹ دے نتائج ٨ توں ١٢ گھنٹیاں ءچ آندے ھن تاہم کہیں غلطی دی صورتحال ءچ ٹیسٹ کوں دوبارہ کیتا ونج سکدا ھِ جیندے نتیجے ءچ مزید ١٢ گھنٹے لگ سکدے ھن
