بجلی ، گیس دی قیمتاں ءچ کمی کیتے وزیر اعظم دی غیر معمولی حل تلاش کرݨ دی ھدایت

اسلام آباد ۔ وزیر اعظم عمران خان نے مستقل بنیاداں تے بجلی تے گیس دی قیمتاں ءچ کمی کیتے متعلقہ حکام کوں غیر معمولی حل تلاش کرݨ دی ھدایت کیتی تاکہ مقامی صارفین کوں ریلیف ݙیتا ونج سے ملک ءچ ودھدی ہوئی مہنگائی تے قابو پاوݨ ءچ مدد ملے ، اخباری رپورٹ دے مطابق انہاں اے گالھ اسلام آباد ءچ بجلی تے گیس دی قیمتاں ءچ کمی توں متعلق ھک اعلی سطح دے اجلاس دی صدارت کریندے ہووے کیتی اجلاسءچ وزیر توانائی عمر ایوب ، وزیر منصوبہ بندی و ترقی اسد عمر ، وزیر اعطم دے مشیر برائے خزانہ ڈاکٹر عبدالحفیظ شیخ معاون خصوصی برائے اطلاعات و نشریات فردوس عاشق اعوان تے معاون خصوصی برائے پیٹرولیم ندیم بابر نے شرکت کیتی۔