پیٹرول ١٥ روپے سستا، مزدوراں کیتے ٢٠٠ ارب ، ٤ مہینے تک غریباں کوں وظیفہ ملدا رھاسی، وزیر اعظم
اسلام آباد ۔ وزیر اعظم عمران خان نے کورونا وائرس دے خطرے دی وجہہ نال لاک ڈاون توں نمٹݨ کیتے معاشی ریلیف پیکج دا اعلان کر ݙیتا۔ وزیر اعظم عمران خان نے سینئر صحافیاں تے اینکر پرسناں دے نال گالھ مہاڑ کریندے ہووے معاشی پیکج دا اعلان کیتا انہاں ڈسایا کہ حکومت نے مزدوراں کیتے ٢٠٠ ارب روپے ٹیکس ری فنڈ کیتے ١٠٠ ارب روپے رکھے ھن غریب لوگاں کوں تریھ ھزار روپے مہینہ ݙیتا ویسی تے اے سلسلہ ٤ مہینے تک جاری رھاسی ایں مقصد کیتے ١٥٠ روپے رکھے ھن پناگاہواں دے دائرہ کار کوں وسیع کریسوں تاکہ اوتھاں لوگ آ تے کھانا کھا سکن، یوٹیلیٹی اسٹوراں کیتے ٥٠ ارب مزید ݙیتے گئے ھن تاکہ اوتھاں چیزاں دی فراہمی یقینی بنڑائی ونج سکے ، ری پرکیورمنٹ کیتے ٢٨٠ ارب رکھے ھن۔
وزیر اعظم عمران خان نے آکھیا کہ پیٹرول ، ڈیزل ، کیروسین آئل تے لائٹ ڈیزل دی قیمت ءچ ١٥ روپے دی کمی کریندے پئے ھن ایندے نال ملک کوں ٧٥ ارب دا خسارہ تھیسی، بجلی دے ٣٠٠ یونٹ استعمال کرݨ والے بندے تریھ مہینے ءچ قسطاں ءچ بل ادا کریسن، گیس دے صارفین بل وی قسطاں ءچ کر ݙیتے ھن ٥٠ ارب روپے میڈیکل ورکراں دے ضروری سامان کیتے رکھے ھن ، اشیاء خوردونوش تے ٹیکس ختم یا گھٹ کر ݙیتے ھن۔
انہاں ڈسایا کہ ١٠٠ ارب روپے ایمرجنسی حالات نال نمٹݨ کیتے رکھے ھن این ڈی ایم اے کیتے ٢٥ ارب رکھے ھن ایں فنڈ نال ضرور کٹاں تے دیگر چیزاں باہروں منگائیاں ویسن ، تعمیرات دے شعبے کیتے خصوصی پیکج تیار کریندے پئے ھیں۔
