ہک مٹھ تھی تے کورونا دے لکیے دشمن کوں ہریسوں ، وزیراعظم

ہک مٹھ تھی تے کورونا دے لکیے دشمن کوں ہریسوں ، وزیراعظم دی معاون خصوصی ڈاکٹر فردوس عاشق اعوان دی ڈی جی آئی ایس پی آر میجر جنرل افتخار بابر دے رلے نیشنل کمانڈ اینڈ آپریشن سینٹر اچ میڈیاکوں مشترکہ بریفنگ

اسلام آباد ۔ وزیراعظم دی معاون خصوصی اطلاعات ونشریات ڈاکٹر فردوس عاشق اعوان اتے ترائی مسلح فوج دے ترجمان میجر جنرل افتخار بابر آکھیے جو وزیراعظم عمران خان بری فوج دے سربراہ جنرل قمر جاوید باجوہ دے رلے نیشنل کمانڈ اینڈ آپریشن سینٹر(این سی او سی ) دا باقاعدہ افتتاح کر ڈتے ‘ وزیراعظم پاکستان دی مسلح فوج سمیت سارے اداریں دی یکجہتی تے ہم آہنگی نال وفاقی تے صوبائی حکومتاں دے نال رل تے قومی سلامتی حکمت عملی کوں تیار کرتے عمل درآمد دے پاسے مثبت پیشرفت دی تعریف کیتی اے ‘ وزیراعظم ہدایات ڈتن جو ویلھا آگے جو لاک ڈاﺅن تے بھک دے درمیان توازن پیدا کیتا ونجے ایں کیتے سارے متعلقہ وزارتاں تے سٹیک ہولڈرز نال رل تے تھینک ٹینک بنڑایا ویسی ‘26فروری توں بطور قوم ہک مٹھ تھی تے کورونا وائرس دا مقابلہ کریندے ہوئیں کامیابیاں دی منزل طے کریندے پیوں ‘ کرونا وائرس دے خلاف ایں جنگ کوں جتنڑ اچ میڈیا دا بھرپور تعاون درکار اے ‘ میڈیا ہنڑ تئیں بامقصد رپورٹنگ دے ذریعے عوام کوں باخبر رکھیا ہویا اے ، این سی او سی ولوں لکھاں لوکاں کوں ٹریک اینڈ ٹریس سسٹم کر تے وختی ہدایات اتے پی ٹی اے دے ذریعے 465ملین لوکاں تئیں کرونا وائرس متعلق معلومات ڈتیاں ویسن جیں دی بنیاد تے کرونا وائرس متاثرہ علاقیں کوںآئسولیٹ کیتا گئے ‘ نیشنل کمانڈ اینڈ آپریشن سینٹر ہک ون ونڈو آپریشن اے جتھاں ہک چھت دے تلوں سارےاں وزراتاںاتے صوبیں کوں وی نمائندگی حاصل اے۔ او جمعے کوں نیشنل کمانڈ اینڈ آپریشن سینٹر اچ میڈیاکوں مشترکہ بریفنگ ڈیندے پئے ہن ۔ وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان کرونا وائرس دے خلاف قومی ہم آہنگی تے جامع حکمت عملی بنڑاونڑ اچ مصروف عمل ہن ‘قومی حکمت عملی دے صوبائی سطح تے عمل درآمد اتے اعلی قیادت دے کیتے گئے فیصلیں تے عمل در آمد دا جائزہ گھننڑ کیتے نیشنل کمانڈنٹ اینڈ آپریشن سینٹر دا قیام عمل اچ گھن آتے سارے سٹیک ہولڈرز کوں اپنڑیاں اپنڑیاں ذمے واریاں ادا کرنڑ کیتے ہک پلیٹ فارم ڈتا گئے ‘ وزیراعظم عمران خان باضابطہ طور تے ایں سینٹر دا افتتاح کر ڈتے ‘ ایں موقع تے وزیراعظم عمران خان اتھاں ہک اعلی سطحی اجلاس دی صدارت وی کیتی جیں اچ سینٹر دے حکام ایں سینٹر دے حوالے نال تفصیلی بریفنگ ڈتی۔ انہاں ڈسائے جو بری فوج دے سربراہ جنرل قمر جاوید باجوہ اتے انہاں دی ٹیم ڈینھ رات محنت کرتے نیشنل کمانڈ اینڈ آپریشنل سینٹر دے قیام کیتے خدمات سرانجام ڈتن ۔ معاون خصوصی ڈاکٹر فردوس عاشق اعوان آکھیے جو نیشنل کمانڈ اینڈ سینٹر دے ڈی جی آپریشنزو پلاننگ میجر جنرل آصف محمود گورائیہ وزیراعظم ‘ آرمی چیف اتے شرکا کوں کرونا وائرس دی پاکستان اچ تازہ ترین صورتحال اتے ایندے نال نبڑنڑ کیتے جامع حکمت عملی بارے ڈسایا گئے ۔ بریفنگ دے دوران تعاون کوں مزید بہتر بنڑاونڑ تے معاشی فال آﺅٹ جیہوجے چیلنجز نال نبڑنڑ کیتے روڈ میپ وی وزیراعظم دے سامنڑے رکھیا گئے۔ وزیراعظم ایں سینٹر دی افادیت کوں ون ونڈو آپریشن دے ذریعے صوبائی سطح تے بئے سٹیک ہولڈرنال رل تے تلویں سطح تے گھن ونجنڑ دی ہدایت ڈتی ۔ وزیراعظم ملک اچ جاری ذخیرہ اندوزی ‘ منافع خوری اتے سمگلنگ تے تحفظات دا اظہار کیتے تے متعلقہ محکمیں کوں ہدایات ڈتن جو عوام دی اوکھ دا باعث بنڑنڑ آلے ذخیرہ اندوزاں نال چنگی طرح نبڑیا ونجے ۔ سپلائی چین دے تعطل تے وزیراعظم ہدایات جاری کریندے ہوئیں صوبائی حکومتاں اتے متعلقہ محکمیں کوں باور کرایا جو صوبیں دے داخلی اتے خارجی جہیں تے کہیںقسم دی سپلائی لائن حوالے نال لائناں نی لگنڑیاں چاہیدیاں ۔ انہاں آکھیے جو وزیراعظم کنڑنڑ دی کٹائی دے حوالے نال ضروری اقدامات کیتے وزیر غذائی تحفظ کوں ہدایت کیتی جو یومیہ بنیاد تے صوبیںنال رلتے ڈیٹا کٹھا کرتے خریداری تے سپلائی چین کوں یقنی بنڑاون ،اٹے دی قلت کہیں صورت برداشت نہ کیتی ویسی ۔ معاون خصوصی ڈاکٹر فردوس عاشق اعوان آکھیے جو نیشنل کمانڈ اینڈ آپریشنل سینڑ اچ اعلی سطحی اجلاس اچ فیصلہ تھئے جو ڈی جی آئی ایس پی آر اتے وزارت اطلاعات رل تے وختی تے مصدقہ معلومات ڈیسن ‘ اے سینٹر انفارمیشن حب ہوسی‘ ایںسینٹر نال میڈیا کوں کرونا دے حوالے نال تازہ ترین معلومات دی دستیبابی یقینی بنڑائی ویسی‘ میڈیا آئی ایس پی آر اتے وزارت اطلاعات و نشریات دے دست بازوبنڑ تے معاون بنڑسن ہک ٹیم بنڑ تے عوام کوں وختی حقائق تے مبنی خبر یقینی بنڑیسن ۔مسلح فوج دے ترجمان میجر جنرل افتخار بابر آکھیے جو ترائے مہینے توں دنیا کرونا وبا عالمی ماحول کوں بدال رے رکھ ڈتے ،اساں وی 26فروری توں ہک مٹھی تھ تے بطور قوم کورونا دا مقابلہ کیتے ۔ انہاں آکھیے جو حکومت پاکستان وختی اقدامات کریندی پئی اے ڈاکٹر پیرامیڈیکس ‘سکیورٹی فورسز اتے قانون نافذ کرنڑ آلے ادرایں کوں خراج تحسین پیش کریندوں جو جو فرنٹ لائن تے کرونا وائرس وباءدا مقابلہ کریندے پن ۔انہاں آکھیے جو پاکستان دے علما کرام دا شکریہ جنہاں نازک تے سنگین حالات اچ پوری قوم کوں اتحاد دا سنھیا ڈتے تے عوام اچ شعور ڈیونڑ دی کوشش کیتی ۔انہاں آکھیے جو رنگ و نسل اتے لسانیت توں بالاتر تھی تے بحیثت قوم کرونا وائرس دا مقابلہ کرنڑاں اے ‘ پاکستان دے میڈیا دا وی شکریہ ادا کریندوں جنہاں ایجھے حالات اچ ذمہ واری نبھائی اے۔انہاں آکھیے جو آرمی چیف دی ہدایات تے افواج پاکستان ملک دی چنڈ چنڈ اچ پج گئی اے تے سارے وسائل بروئے کار گھن آندے پیوں ۔ انہاں آکھیے جو آرمی چیف دی ہدایات تے فارمیشن کمانڈرز اپنڑے علاقیں اچ وفاقی اتے صوبائی حکومتاں نال مکمل تعاون کریندے پن ۔ ڈی جی آئی ایس پی آر میجر جنرل افتخار بابر آکھیا جو نیشنل کمانڈ اینڈ آپریشنل سیٹر قومی رابطہ کمیٹی دے تحت کم کریندا پئے ‘ ایں سینٹر دے سربراہ وفاقی وزیر اسد عمر اتے لیفٹیننٹ جنرل محمود الزمان چیف کوآرڈینٹر ہن ‘ اے سینٹرقومی کوششاں کوں موثر بنڑاونڑ کیتے کم کریندا پئے ۔ اے پی پی