امریکا ولوں ڈینیل پرل کیس تے تحفظات فطری ہین،اپیل دا آپشن موجود اے،وزیر خارجہ شاہ محمود قریشی

اسلام آباد (اے پی پی) وزیر خارجہ مخدوم شاہ محمود قریشی آکھیے جو امریکا ولوں ڈینیل پرل کیس تے تحفظات فطری ہین،اپیل دا آپشن موجود اے۔ہک بیان اچ انہاں آکھیے جو امریکی صحافی ڈینئل پرل دے قتل تے پاکستان کوں تنقید دا سامنڑا کرنڑا پئے۔

پاکستان دہشت گردی دے خلاف جنگ اچ ودھ قربانیاں ڈتن،پوری قوم رل تے دہشت گردی دے خلاف ہک وڈی جنگ لڑی اے اتے ایکوں ہرائے۔انہاں آکھیے جو ڈینئل پرل کیس اچ انسداد دہشتگردی دی عدالت ترے ملزماں کوں عمر قید اتے مرکزہ ملزم عمر شیخ کوں سزائے موت ڈتی ہئی بھل ملزماں دی اپیل تے سندھ ہائی کورٹ سزا معطل کریندے ہوئے ترائے ملزمان بری کر تے شیخ عمر دی سزائے موت ست سال قید اچ بدل ڈتی اے جیندے تے امریکا کوں چنتا اے۔شاہ محمود قریشی آکھیے جو سندھ ہوم ڈیپارٹمنٹ پبلک سیفی ایکٹ دے تحت 90 ڈینھ کیتے ملزمان دی نظر بندی کریندے ہوئے سندھ ہائی کورٹ دے فیصلے دے خلاف اپیل کرنڑ دا فیصلہ کیتے،ہنڑ اے معاملہ عدالت ڈیکھنڑے جو او سندھ ہائی کورٹ دا فیصلہ برقرار رکھیسی یا کالعدم قرارڈیسی۔