وزیر اعظم دا لاہور ءچ کورونا فیلڈ ہسپتال دا دورہ، سروساں دا جائزہ گھیدا
وزیراعظم دا لاہور اچ کورونا فیلڈ ہسپتال دا دورہ،مختلف شعبے ڈٹھن،تشخیصی کاونڑ،ریسکیو،کمانڈ اینڈ کنٹرول روم، ایمبولینس سروس اتے بیاں سہولتاں دا جائزہ
تیکھے کرونا تے قابو پاونڑ اچ کامیاب تھی ویسوں،وزیراعظم عمران خان دی فیلڈ ہسپتال دے دورے ویلھے گالھ مہاڑ
اسلام آباد (اے پی پی)وزیراعظم عمران خان لاہور اچ ایلسپو سنٹر اچ بنڑائے گئے ہک ہزار بستریاں تے مشتمل کرونا توں بچاو اتے علاج بارے فیلڈ ہسپتال دادورہ کیتے۔ ایں موقع تے وزیراعلیٰ پنجاب سردار عثمان خان بزدار، گورنر چوہدری محمد سرور،صوبائی وزیر صحت ڈاکٹر یاسمین راشد، وزیر خارجہ شاہ محمود قریشی، وزیر سائنس و ٹیکنالوجی چوہدری فواد حسین، وزیر تعلیم شفقت محمود،معاونین خصوصی عثمان ڈار،ڈاکٹر ثانیہ نشتر، شہزاد اکبر موجود ہن۔وزیراعظم فیلڈ ہسپتال اچ کرونا دی تشخیص،علاج اتے سہولتاں دا جائزہ گھدے۔ انہاں ہسپتال دے مختلف شعبے ڈٹھن۔تشخیصی کاونڑ،ریسکیو،کمانڈ اینڈ کنٹرول روم، ایمبولینس سروس اتے بیاں سہولتاں دا معائنہ کیتے۔ایں موقع تے وزیراعلیٰ پنجاب ڈسائے جو اے ہسپتال پنجاب حکومت دی ہدایت تے محکمہ صحت، ریسکیو 1122،ضلعی انتظامیہ اتے متعلقہ محکمیاں دے گانڈھے نال صرف نوں ڈینھ اچ بنڑایا گئے جتھاں ہکے ویلھے ہک ہزار مریض ڈٹھے ونج سگدن۔وزیر صحت پنجاب ڈاکٹر یاسمین راشد وزیراعظم کوں ہسپتال اچ سہولتاں،ڈاکٹراں اتے عملے دی دستیابی اتے صلاحیتاں بارے بریفنگ ڈتی۔وزیراعظم عمران خان ریکارڈ مدت اچ ہسپتال کھڑا کرنڑ تے پنجاب حکومت اتے پوری ٹیم دی تعریف کریندے آکھیے جیکر ایں جذبے نال کم جاری رہیا تاں یقین اے جو ملک اچ تیکھے کرونا وائرس تے قابو پاونڑ اچ کامیاب تھی ویسوں،کیوں جو ایمان ،یقین اتے اتحاد نال ہی اساں ہر چیلنج تے قابو پا سگدے ہیں۔
گھٹ ویلھے اچ ہک ہزار بستریاں دا فیلڈ ہسپتال بنڑاونڑہک ریکارڈ اتے وڈا کم اے،وزیراعظم عمران خان دی وزیراعلیٰ پنجاب اتے پوری ٹیم دی تعریف
وزیراعظم عمران خان ملک دے سب توں وڈے صوبے پنجاب دی کارکردگی چنگی کرنڑ کیتے حوصلہ افزائی دا موئی وی موقع ہتھو نئیں ونجنڑ ڈیندے اتے بطور خاص وزیراعلیٰ پنجاب دی تعریف کیتی راہندن۔وزیراعظم دورہ لاہور ویلھے ایکسپوسنٹر اچ فیلڈ ہسپتال دا دورہ کیتے جیڑھا پنجاب حکومت ولوں صرف نوں ڈینھ اچ بنرٓیا گئے۔وزیراعظم ہسپتال بارے بریفنگ توں وزیراعلیٰ پنجاب،محکمہ سحت، ریسکیو 1122اتے بئی ٹیم دی کھلی تعریف کریندے ہوئے وزیراعلیٰ نال الائے اتے آکھیے جو گھٹ ویلھے اچ ہک ہزار بستریاں دا فیلڈ ہسپتال بنڑاونڑہک ریکارڈ اتے بہوں وڈا کم اے،بس تساں ہمت نہ چھوڑو اتے ایویں محنت ،لگن اتے شوق نال کم کیتی رکھو،انشا اللہ ایں وبا دے خلاف جیت ساڈی ہی تھیسی۔
وزیراعظم عمران خان دا لاہور دا دورہ،ایکسپو سنٹراچ کرونا بارے نویں فیلڈ ہسپتال گئن،وزیراعظم کرونا ریلیف فنڈ دی تقریب نال وی خطاب
اسلام آباد ۔ 4 اپریل (اے پی پی)وزیراعظم عمران خان لاہور دا ورہ کیتے جتھاں انہاں دے نال وزیر خارجہ شاہ محمود قریشی، وزیر سائنس و ٹیکنالوجی چوہدری فواد حسین، وزیر تعلیم شفقت محمود،معاونین خصوصی عثمان ڈار،ڈاکٹر ثانیہ نشتر، شہزاد اکبر موجود ہن۔وزیراعظم عمران خان ایکسپو سنٹر لاہور اچ بنڑائے گئے ہک ہزار بستریاں دے کرونا بارے فیلڈ ہسپتال دا دورہ کیتے۔او گورنر ہاوس وی گین اتے اتھاں وزیراعظم کرونا ریلیف فنڈ دی تقریب اچ شرکت کیتی اتے تقریب نال خطاب کیتے۔
اساں ہک تنڑی ہوئی رسی تے ٹردے پئے ہیں ،زرعی سیکٹر توں بعد تعمیراتی سیکٹر وی کھلدا پئے،خطے اچ غربت دی شرح پاروں متوازن اقدامات سودھا لوکاں کوں بھک توں بچاونڑے،وزیراعظم عمران خان دا ٹویٹ
وزیراعظم عمران خان آکھیے جو زرعی سیکٹر توں بعد تعمیراتی سیکٹر وی کھلیندے پئے ہیں،کوشش اے جو ملکی معیشت خراب نہ تھیوے ، اساں ہک تنڑی ہوئی رسی تے ٹردے پئے ہیں اساں یقین نال اپنڑی منزل تے پجسوں۔اے گالھ اپنڑے ہک ٹویٹ اچ آکھی۔انہاں آکھیا جو حکومت کرونا دے باوجود پہلے زرعی سیکٹر کھلا رکھیے اتے ہنڑ تعمیراتی شعبہ وی کھلیندے پئے ہیں،ملک اچ تعلیمی ادارے،شادی ہال، مالز،مارکیٹاں اتے عوامی اجتماعات بند ہین۔انہاںا ٓکھیے جو خطے اچ غربت دی شرح پاروں متوازن اقدامات کرڑن،کرونا دے خلاف اقدامات سودھا لوکاں کوں بھک توں بچاونڑ کیتے وہ کم تیز کرنڑے۔وزیراعظم عمران خان اجوکی صورتحال تے تبصرہ کریندے آکھیے جو اصل اچ اساں ہک تنڑی ہوئی رسی تے ٹردے پئے ہیں۔
