ملک اچ کرونا وائرس بے قابو،متاثرہ مریضاں دی تعداد3ہزار تئیں پج گئی،40اموات
پنجاب اچ ساریں توں ودھ 11سو،سندھ اچ883،کے پی کے اچ343، گلگت بلتستان190،آزاد کشمیر11،بلوچستان175 اتے اسلام آباد اچ تعداد70تھی گئی
کرونا وائرس نال متاثرہ126مریض صحتیاب تھی چکے ھن
اسلام آباد (اے پی پی)ملک اچ 26فروری کوں کراچی اچ کرونا وائرس دا پہلا مریض سامنڑے آونڑ توں بعد ہنڑ تئیں کرونا وائرس دے مریضاں دی تعداد ودھ تے 3ہزار تئیں پج گئی اے جڈاں جو40مریض جیونڑ دی بازی ہر گین۔پاکستان دے سب توں وڈے صوبے پنجاب اچ سب توں ودھ 11سولوک ایں موذی مرض دا شکار تھی چکین۔سندھ اچ883مریض سامنڑے آئن اتے کے پی کے اچ343مریض ہین۔ڈسایا گئے جو گلگت بلتستان اچ190،آزاد کشمیراچ11،بلوچستان اچ 175 اتے اسلام آباد اچ تعداد70تھی گئی۔ایندے نال نال کرونا وائرس نال متاثرتھیونڑ آلے 126مریض صحت یاب تھی چکے ھن۔
