وزیر اعظم عمران خان نے پاکستان سمیت ترقی پذیر ممالک کیتے جی ٢٠ ملکاں بین الاقوامی مالیاتی فنڈ (آئی ایم ایف) تے عالمی بینک دی طرفوں قرضیاں ءچ ریلیف کیتے چاتے گئے اقدامات دی تعریف کیتی ھِ ۔ وفاقی دارالحکومت ءچ وزیر اعظم عمران خان نے مشیر خزانہ عبدالحفیظ شیخ نال ملاقات کیتی تے مختلف امور تے تبادلہ خیال کیتا ۔ ایں حوالے نال ڈسایا گئیا کہ ملاقات دے دوران وزیر اعظم عمران خان نے جی ٢٠ ملکاں ، آئی ایم ایف تے عالمی بینک دے پاکستان سمیت ترقی پذیر ملکاں کیتے قرض ریلیف دے اقدامات دی تعریف کیتی ھِ
ملاقات دے دوران مشیر خزانہ نے وزیر اعظم کوں کورونا وائرس پاروں معاشی حالات توں نمٹݨ کییتے آئی ایم ایف دی طرفوں ھک اضافہ ھک ارب ٤٠ کروڑ ڈالر دے رعایتی قرض منصوبے دی منظوری توں متعلق آگاہ کیتا ۔ مشیر خزانہ دا وزیر اعظم عمران خان کوں حکومت دی طرفوں اعلان کردہ معاشی پیکج دے مختلف حصیاں کوں پیش رفت دے بارے وی آگاہ کیتا ۔
خیال رھاوے کہ ١٢ اپریل کوں وزیر اعظم عمران خان نے کورونا وائرس پاروں معیشت تے پووݨ والے اثرات دءِ پیش نظر عالمی برادری نال خطاب ءچ قرضیاں تے چھوٹ دی اپیل کریندے ہووے آکھیا ھا کہ ترقی پذیر ممالک کیتے سبھ توں وݙا خطرہ بھک نال لوگاں دی ھلاکتاں ھن، وزیر اعظم نے ویڈیو پیغام ءچ آکھیا کہ کورونا وائرس دے ایں بحران تے دنیا ءچ اساں ݙو رد عمل ڈیٹھے ھن ھک ترقی یافتہ ممالک ، تے ݙوجہے ترقی پذیر ممالک دا رد عمل ھا۔ انہاں آکھا کہ ترقی پذیر ممالک کوں خاص تر قرضیاں دی شرح دا مسئلہ ھِ انہاں انہاں مقروض ممالک کیتے معاشی موقعے دی معدومی دا مسئلہ ھِ اساݙے کول صحت دے نظام تے خرچ تھیوݨ تے لوگاں کوں بھوکھ توں مرں توں بچاوں کیتے پیسہ کینی۔
نال ھی عالمی برادری کوں مخاطب کر تے انہاں دا آکھݨ ھا کہ ایں واسطے میں عالمی رہنماواں ، مالی اداریاں دے سربراھان ، اقوام متحدہ دے سیکریٹری جنرل توں اپیل کریندا ھاں کہ ترقی پذیر اقوام کوں کورونا وائرس دی وباء توں نمٹݨ پاروں قرضیاں ءچ ریلیف ݙیوݨ کیتے ھک منصوبہ شروع کیتا ونجے۔
چھیکڑ ءچ اقوام متحدہ دے سیکریٹری جنرل انتونیو گوتریس نے وزیر اعظم عمران خان دی ترقی پذیر ممالک کوں قرضیاں دی ادائیگی ءچ سہولت ݙیوݨ دے حوالے نال اقدام چاوݨ دی اپیل دی حمایت کیتی ھائی ۔ نیو یارک ءچ معمولی دی پریس بریفنگ دے دوران اقوام متحدہ دے سیکریٹری جرنل دے ترجمان اسٹیفن ڈیو جیرک دا آکھݨ ھا کہ وزیر اعظم عمران خان دی تجویز اقوام متحدہ دے سیکریٹری جنرل دے اپنڑیں موقف دے عین مطابق ھِ انہاں آکھیا کہ اقوام متحدہ دے سربراہ ایں گالھ تے یقین رکھیندے ھن کہ رواں سال کیتے واجب الادا قرضیاں دے سود دی فوری معافی سمیت قرض دی ادائیگی ءچ سہولت کورونا وائرس نال نمٹݨ دی عالمی کوشش دا ھک اہم حصہ ہوونڑاں چاھیدا ھِ
جی ٢٠ ملکاں نے عالمی بینک تے عالمی مالیاتی فنڈ تے زور ݙیتا ھا کہ غریب ملکاں دے قرضیاں ءچ ریلیف کوں توسیع ݙیتی ونجے تاکہ او اپنڑیں وسائل دا استعمال کورونا وائرس توں درپیش چیلنجاں توں نمٹݨ کیتے کر سکدے ھن ایں اجلاس ءچ فیصلہ کیتا گئیا کہ عالمی بینک دی انٹرنیشنل ڈیولپمنٹ ایسوسی ایشن آئی ڈی اے ءچ شامل تمام ملکاں قرضیاں ءچ ریلیف دے مجوزہ منصوبے دے اھل ہوسن۔ واضح رھاوے کہ آئی ڈی اے گروپ ءچ ٧٦ ممالک شامل ھن جنہاں ءچوں ھک پاکستان وی ھِ مزید برآں وزیر خارجہ شاہ محمود قریشی دا آکھݨ ھا کہ جی ٢٠ ملکاں نے پاکستان سمیت ترقی پذیر دنیا دے ٧٦ ملکاں کوں قرض ءچ سہولت ݙیوݨ دا فیصلہ کیتا ھِ جیندا اطلاق یکم مئی توں تھئی ویسی۔
