حکومت کیش اچ کمی ، کیش بہاﺅ اچ روانی سودھا صنعت وتجارت دے مسلیاں دے حل کیتے پرعزم اے ،مشیر خزانہ ڈاکٹر عبدالحفیظ شیخ دامعروف تاجراں ،صنعت کاراں دے اجلاس اتے ویڈیوکانفرنس نال خطاب

اسلام آباد   (اے پی پی) وزیراعظم دے مشیربرائے خزانہ ومحصولات ڈاکٹرعبدالحفیظ شیخ معروف تاجران اتے صنعتکاراں دے اجلاس اچ اتے ویڈیو کانفرنس نال خطاب کریندے آکھیے جو حکومت کیش اچ کمی ، کیش بہاﺅ اچ روانی سودھا صنعت وتجارت دے مسلیاں دے حل کیتے پرعزم اے۔ انہاںا ٓکھیے جو سیلزٹیکس اتے انکم ٹیکس ری فنڈزدی مداچ 115 ارب روپے دے اجراءاتے کئی سالاں توں زیرالتواءڈیوٹی ڈرابیک دی ادائیگی دا کم شروع تھی چکیے۔اجلاس اچ وفاقی وزیرصنعت وپیداوارمحمد حماداظہر،وزیراعظم دے مشیربرائے تجارت عبدالرزاق داﺅد،چئیرپرسن ایف بی آر نوشین جاویدامجد اتے وزارت خزانہ دے سینئرافسران وی موجود ہن۔مشیرخزانہ تاجراں اتے صنعت کاروں ولوں تجارت اتے صنعتاں دے معاونت بارے تجاویز اتے سفارشات سنڑین اتے یقین ڈیوائے جو حکومت تجارت اتے صنعت دے مسلیاں دا جائزہ گھن تے صنعتاں کیتے جامع ریلیف پیکج رلایا ویسی۔حکومت فاسٹرنظام دے تحت 57 ارب روپے دے کلیمزاچوں 52 ارب روپے جاری کرڈتن اتے بئے شعبیاں کیتے سیلزٹیکس ری فنڈ دی مداچ 52 ارب روپے دے کلیمزاچوں 25 ارب روپے جاری کیتن ،باقی کلیمزوی ہک ہفتے اچ ڈے ڈتے ویسن جڈاں جو 2014ءتوں انکم ٹیکس ری فنڈ دے کلیمز دی ادائیگی نال ہک لکھ ٹیکس گزاراں کوں فیدہ ملسی۔