وزیر اعظم عمران خان دی ترقی پذیر ملکاں دے غریب عوام دے حقوق کیتے آواز سنڑیج گئی اے، آئی ایم ایف، ورلڈ بینک اتے جی۔20ولوں قرض دی ادائیگی اچ سہولت، رعایت اتے معاونت دا خیرمقدم کریندے ہیں
اسلام آباد (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو وزیر اعظم عمران خان دی ترقی پذیر ملکاں دے غریب عوام دے حقوق کیتے آواز سنڑیج گئی اے، آئی ایم ایف، ورلڈ بینک اتے جی۔20ولوں قرض دی ادائیگی اچ سہولت، رعایت اتے معاونت دا خیرمقدم کریندے ہیں۔اپنڑے ٹویٹ اچ انہاں دا آکھنڑ ہا جو غریب عوام دے تحفظ کیتے عمران خان دی دھاں پورے جگ دے ایواناں اچ سنڑی ویندی پئی اے کیوں جو ترقی پذیر ممالک اچ کرونا دے سماجی اتے معاشی اثرات زیادہ شدید ہین جیکوں بکھ اتے غربت توں بچاونڑ کیتے ہک موثر عالمی رد عمل ویلھے دی وڈی لوڑھ ہئی،این چیلنج نال نبڑن کیتے غیر مشروط معاونت اتے ریلیف ملنر ترقی پذیر ممالک دی معاشی بحالی کیتے ضروری اے، بین الاقوامی مالیاتی اداریاں دا وزیراعظم دی تجویز تے عملدرآمد عمران خان دی قائدانہ صلاحیتاں، وژن اتے بصیرت دا عکاس اے۔
